IX Draconis (IX Dra / GJ 577)V* IX Dra -- Variable of BY Dra type (SIMBAD) ye un sistema estelar alcontráu na constelación de Draco. Asitiáu a una distancia de 144 años lluz del Sistema Solar, tien magnitú aparente +8,41. Visualmente alcuéntrase unos 2 graos al sur de la variable RR Ursae Minoris.
Componente principal La componente principal del sistema, GJ 577 A, ye una nana mariella de tipu espectral G5V, asemeyáu a 61 Virginis. Con una temperatura efectivo de 5662 K, la so lluminosidá equival al 73% de la lluminosidá solar. El so radiu ye un 9% más pequeñu que'l del Sol. Xira sobre sigo mesma con una velocidá de rotación proyeutada de 10,6 km/s, siendo'l so periodu de rotación d'aproximao 4 díes. Presenta una metalicidá comparable a la solar ([Fe/H] = +0,03). Tien una masa inferior nun 5% a la masa solar y amuesa un altu nivel d'actividá magnética.
Nun esiste un claru consensu tocantes a la edá d'IX Draconis. La so cinemática dexa considerala miembru del «supercúmulo de les Híades» con una edá de 600 millones d'años; sicasí, la so absorción de litiu suxer una edá inferior nel rangu de 20 - 150 millones d'años, lo que concuerda cola edá de 34 millones d'años indicada nun recién estudiu.
Componente secundaria La componente secundaria del sistema, GJ 577 B, foi resuelta per aciu imáxenes nel infrarroxu. La diferencia de magnitú ente les dos estrelles dexa envalorar que ye una nana colorada de tipu M4 - M5. La so separación al respective de la primaria ye de siquier 239 UA y el periodu orbital ye de más de 3600 años.
Piénsase que GJ 577 B puede ser, de la mesma, una estrella binaria. En dichu supuestu, estos dos componentes —denominaes coles lletres B y C— taríen na llende ente una nana colorada de baxa masa y una nana marrón. El periodu orbital d'esta binaria sería de 16,5 años.
IX Draconis ta catalogada como variable BY Draconis, siendo la so fluctuación de rellumu de namái 0,04 magnitúes.IX Dra (General Catalogue of Variable Stars)
Referencies
Categoría:Estrelles Categoría:Nanes marielles Categoría:Estrelles variables Categoría:Variables BY Draconis Categoría:Constelación de Draco