Fi Sagittarii (φ Sgr / 27 Sagittarii / HD 173300)Phi Sgr -- Star (SIMBAD) ye una estrella na constelación de Saxitariu. De magnitú aparente +3,17, ye'l novenu puntu más brillosu na so constelación. Xunto a Nunki (σ Sagittarii), Askella (ζ Sagittarii) y τ Sagittarii, formaba una parte de la casona llunar árabe Al Naʽām o Al Naʽāïm al Ṣādirah.
Carauterístiques Fi Sagittarii ye una estrella blancu-azulada de tipu espectral B8 catalogada como xigante o subxigante. Tien una temperatura efectivo de 12.100 K —13.490 K según otra fonte— y relluma con una lluminosidá 475 vegaes superior a la lluminosidá solar, incluyendo la radiación emitida como lluz ultravioleta. La midida del so diámetru angular —0,567 milisegundos d'arcu— dexa calcular el so radiu, 4,7 vegaes más grande que'l del Sol, cifra que concuerda cola llograda a partir de la so temperatura y lluminosidá. La so velocidá de rotación proyeutada ye de 35 km/s, magar dicha cifra namái ye una llende inferior, pos el valor real depende del enclín del so exa de rotación. Tien una masa ente 4 y 4,2 mases solares y la so edá envalórase en 165 millones d'años.Phi Sagittarii (Stars, Jim Kaler)
Fi Sagittarii alcuéntrase a 239 años lluz del Sistema Solar. Fai dos millones d'años tuvo a namái 152 años lluz, algamando'l so rellumu entós magnitú +2,19.Phi Sagittarii. Extended Hipparcos Compilation (XHIP) (Anderson+, 2012)
Referencies
Categoría:Estrelles Categoría:Subxigantes Categoría:Constelación de Saxitariu