59 Virginis (59 Vir / Y Virginis / HD 115383)59 Virginis (SIMBAD) ye una estrella na constelación de Virgu, asitiada al norte de la mesma, aproximadamente 4º al sureste de Vindemiatrix (ε Virginis) y 4º al norte de σ Virginis. De magnitú aparente +5,22, alcuéntrase a 59 años lluz del Sistema Solar.
59 Virginis ye una nana mariella de tipu espectral G0V con una temperatura de 6120 K. Asemeyáu a 61 Virginis y 70 Virginis, nesta mesma constelación, 59 Virgnis relluma con una lluminosidá 2,29 vegaes mayor que la lluminosidá solar y tien una metalicidá comparable a la del Sol. De mayor masa que nuesa estrella —ente 1,10 y 1,26 mases solares—, esisten estimaciones bien distintes sobre la so edá. Polo xeneral, ye considerada una estrella nueva, con una antigüedá ente 400 y 1600 millones d'años —compárese cola edá del Sol, 4600 millones d'años—. Sicasí, la so edá envalorada per aciu xirocronoloxía —métodu que se basa na velocidá de rotación estelar, considerando'l periodu de rotación de 59 Virginis de 3,3 díes— ye notablemente inferior, 122 millones d'años.
L'estudiu de la radiación infrarroxo emitida por 59 Virginis a 24 y 70 μm nun dexa inferir la presencia d'un discu circumestelar de polvu al so alredor.
Referencies
Categoría:Estrelles Categoría:Nanes marielles Categoría:Constelación de Virgu