Albrecht Dürer ye l'artista más famosu de la Renacencia alemana, conocíu en tol mundu peles sos pintures, dibuxos, grabaos y escritos teóricos sobre arte, obres que van exercer una fonda influyencia nos artistes del sieglu XVI del so propiu país y de los Países Baxos.
Consérvase una gran cantidá d'información personal a partir de cartes, escritos y dibuxos que diben acompañaos con anotaciones minucioses, fechu que permite una gran comprensión de la so obra. La so maestría como pintor va ser el resultáu d'un intensu trabayu, y nel campu de les artes gráfiques nun va tener rival. Va consiguir que l'emperador Maximilianu I s'interesare pola so obra y ficiera-y numberoros encargos. Nos sos últimos años va tar ocupáu principalmente na fechura de trataos sobre la midida y proporción humana. Nestes obres, publicaes depués de la so muerte, trataba d'estudiar y razonar la so forma d'enfocar l'arte, basándose nos estudios italianos sobre la teoría del arte que-y precedieron.Historia Universal del Arte, Volum X (1984)
Referencies
Categoría:Pintores d'Alemaña Categoría:Persones de Núremberg