Amado González Hevia ye un pintor y escultor asturianu conocíu baxo'l nomatu de Favila.
Biografía Amado ye'l segundu fíu del escultor Amado González Fernández. Entama nel estudiu del arte especializándose nel dibuxu. En 1966 treslládase a Avilés onde cursa estudios na escuela d'artes y oficios. Darréu inscríbese na academia de Vicente Santarúa.
En 1975 treslládase a Valencia pa estudiar en Belles Artes na facultá de San Carlos. En 1980 finaliza los sos estudios tornando nuevamente a Avilés pa dar clase de pintura na escuela d'artes y oficios de la villa. Ye profesor d'enseñanza secundaria por oposición.
Vida y obra Favila, Exposiciones individuales hasta 2005.
En 1996 instala n'Uviéu, na plaza Daoíz y Velarde, el grupu escultóricu tituláu "Vendedoras del Fontán",Vendedoras del Fontán - Favila y queda finalista nel concursu que'l diariu La Voz d'Asturies y el Conceyu de Mieres entamaron para realizar el «Homenaxe al mineru».
En 1997 realiza por encargu del Conceyu d'Avilés, la escultura titulada La monstrua, basada nun cuadru del pintor Juan Carreño Miranda, que s'instala n'Avilés na cai del mesmu nome.RTVE "La Monstrua de Avilés - Favila".
En 1998 realiza dos grupos escultóricos para l'archipiélagu canariu, asitiaos unu en Santa Cruz de Tenerife y otru en Las Palmas de Gran Canaria.
En 1999 realiza tamién por encargu del Conceyu d'Avilés dos grupos escultóricos, ún para ser asitiáu nel remocicáu parque del Carbayedo, tituláu "Tratante de ganado" - (Xateru), y otru que representa a "Marta y María" y que sería allugáu nun céntricu llugar d'Avilés.
Docente na Escuela d'Artes y Oficios d'Avilés, recibió d'esta entidá la medaya d'oru nel añu 2002.Medaya d'oro 2022 por la Escuela d'Artes y Oficios d'Avilés
En 2003 instala n'Uviéu la escultura del Conde de Campomanes, por encargu del Conceyu,Estatua del Conde de Campomanes - Favila
Del 4 de febreru al 19 d'abril de 2009, el Centru Cultural Cajastur Palaciu de Revillaxixéu de Xixón acueye la esposición retrospectiva «Favila: cuatro décades de pintura».Cuatro Décadas
N'abril de 2009 el Conceyu de Grau, previa aprobación na Xunta de Gobiernu, alcuerda dar el so nome a una cai de la urbanización d'El Palmeral, na capital del conceyu.Grado concede-y una calle al Pintor Favila
El día 3 d'abril de 2010 recibe el premiu «Adelantau d'Avilés», que-y apurre la local Cofradía d'El Bollu «pola so trayectoria artística y promoción de les tradiciones y señes d'identidá de la villa avilesina».LNE Favila recibira el premiu Adelantado de AvilésDiario "El Comercio" - Adelantado de Avilés
Avilesín del añu, por trespasar fronteres col so arte.Favila, Avilesino del año.
La Voz de Avilés reconoció el llabor artísticu de Favila nel cursu de la entrega na decimotercer edición celebrada el pasáu día 5 d'ochobre de 2016. (Premios LVA 2016).2016 Premiu otorgáu por La Voz de Avilés a la labor artística.
Los Reis d'España Felipe VI y Doña Letizia encarguen a Favila una obra para la so entrega como agasayo de les sos maxestaes a la ciudá de San Agustín de la Florida nuna ceremonia oficial celebrada naquel país en 2016.Acto en San Agustín de la Florida por los Reyes de España
El 23 de xunetu de 2023 ye nomáu, n'actu oficial del Ayuntamientu de Grau, resuelve en Xunta de Gobiernu Concede-y el títulu de "Fíu Predilectu de Grau".LNE, Favila, Hijo predilecto de GrauSolemne entrega del títulu de Fiu Predilectu de Grau al artista FavilaActu d`'entrega del título de "Fiu predilectu de Grau" a Amado González Hevia, "Favila"
Según el críticu de arte Jesús Villa Pastur, dixo: «En pintura el so figurativismu refuga toa morosidá descriptiva, para sofitase puramente nes suxerencies prendíes a la mancha, xustes de materia y exactes nes sos alusiones y nes sos valoraciones tonales. En toles ocasiones la so abocetamiento tien una gran axilidá pictural y un sorprendente afalagu cromáticu. Son cuadros nos que nada falta, nin nada arrayadura, somorguiaos en recreaes apariencies d'incuestionable cuñu modernu».
Obres Murales de la Plaza de gües de Buenavista. Cúpula del Altar Mayor de la Capilla del Cristu de Les Cadenes (Uviéu). Escultura denominada «Vendedoras del Fontán, Plaza d'El Fontán». Escultura de «Homenaje al Minero» en Mieres. Escultura del «Conde de Campomanes». Escultura de «La monstrua» n'Avilés. Escultura de «Tratante de ganado» y «Marta y María» n'Avilés. Escultura de «Monumento a la Emigración Asturiana y a la Sociedad de Naturales del Concejo de Boal.»
Referencies
Enllaces esternos
Enciclopedia de Oviedo
Categoría:Escultores d'Asturies Categoría:Pintores d'Asturies Categoría:Persones de Grau