miniaturadeimagen|600x600px|
La recuperación de la toponimia tradicional Una de les reivindicaciones del movimientu asturianista políticu y cultural ye'l recobramientu de la toponimia tradicional asturiana. D'esta mientre, dende la fundación de Conceyu Bable, en 1974, y de l'Academia de la Llingua Asturiana, en 1981, ficiéronse estudios abondo sobre esta materia.
A nivel alministrativu, la Conseyería de Cultura del Principáu d'Asturies creó la Xunta Asesora de Toponimia en 1985, y encargó-y un estudiu pormenorizáu de los topónimos tradicionales d'Asturies. Dempués de dos años de trabayu, asoleyóse una rellación de nomes de llugar que, por embargu, nun recibió sanción llegal denguna. Polo demás, esti trabayu contenía múltiples errores y, tres la so espublización, la Xunta de Toponimia disolvióse.
La situación nun camudó hasta la promulgación de la Llei autonómica 1/1998 d'Usu y Promoción del Bable/Asturianu, a valir anguaño. El so artículu 15.1 establez:
En cumplimientu d'esti mandatu llegal, el Conseyu de Gobiernu del Principáu d'Asturies aprobó dos decretos que desendolcaben la Llei d'Usu en materia de toponimia: El Decretu 38/2002, pol que se regula la Xunta Asesora de Toponimia del Principáu d'Asturies, y el Decretu 98/2002, por el que s'afita'l procedimientu de recuperación y fixación de la toponimia asturiana.
Llista de decretos (Ver llistáu)
Espedientes toponímicos aprobaos El procesu de recobramientu de la Toponimia tradicional, qu'inda nun finara, escomenzó oficialmente'l mes de xunu del añu 2004, cuando se constituyó la Xunta Asesora de Toponimia del Principáu d'Asturies. De secute, los conceyos de Carreño y El Franco fueron los primeros en solicitar la restauración de la so toponimia tradicional, siendo siguíos por numberosos conceyos. A fecha de febreru de 2019, la Xunta de Toponimia actuara en 63 de los 78 conceyos asturianos, y aprobáronse 65 decretos d'oficialidá de la toponimia tradicional (ver la llista decretos).
Nestos decretos fáise oficial la toponimia tradicional asturiana, que fuera sustituyía poles diferentes alministraciones con poder n'Asturies y qu'apurrieron nomes castellanizaos, la mayor parte de les veces, frutu del caprichu del autor. Solo n'aquellos casos onde les formes castellanizaes tienen dalgún raigañu popular, establécense los dos topónimos como oficiales.
Espedientes toponímicos pendientes Conceyos pendientes: Allande, Cuideiru, Ibias y Navia.
Exemplos de nuevos topónimos oficiales +Camudamientos na toponimia oficial d'Asturies Formes castellanizaes oficiales antañoFormes tradicionales/billingües oficiales anguaño GijónXixón/Gijón LangreoLlangréu/Langreo Tuilla Tiuya/Tuilla (Llangréu) Pola de LenaLa Pola Ḷḷena PajaresPayares (Ḷḷena/Lena) JomezanaXomezana (Ḷḷena/Lena) MoredaMorea (Ayer). Cabañaquinta Cabanaquinta (Ayer). LuancoLluanco/Luanco (Gozón) CelorioCeloriu (Llanes) LugásLlugás (Villaviciosa) RozadasRozaes (Villaviciosa) Arriondas Les Arriondes (Parres) Santa Eulalia Santolaya (Cabranes) Niao Ñao/Niao (Cabranes) Pola del Pino Pola Vieya (Ayer) Rioseco Rosecu (Ayer) Riofrío Rufríu (Ayer) La CaridadA Caridá (El Franco) FresnedoFresnéu (parroquia de Cabranes) La MasantiLlamasanti/Lamasanti (Sariegu) LavanderaLlavandera (Xixón/Gijón) Poago Puao (Xixón/Gijón) El RemedioEl Remediu (Nava) Ribera de ArribaLa Ribera/Ribera de Arriba RibadesellaRibeseya Las SegadasLes Segaes/Las Segadas (La Ribera) Soto de ReySoto Rei (La Ribera) LastresLlastres (Colunga) LibardónLliberdón (Colunga) San EmeterioSantu Medero (Bimenes)
Ver tamién Wikiproyeutu espardimientu de la toponimia oficial d'Asturies
Referencies
Enllaces esternos Llista oficial de decretos de toponimia , na web de la Oficina de Política Llingüística del Principáu d'Asturies. Toponimia Oficial d'Asturies. Páxina web de Softastur Buscador de la toponimia asturiana , na web de la Oficina de Política Llingüística del Principáu d'Asturies. Buscador de topónimos asturianos, de Toponimia asturiana. El porqué de los nombres de nuestros pueblos, Xosé Lluis García Arias, Editorial Prensa Asturiana - La Nueva España. Mapa oficial d'Asturies , onde yá vien la toponimia tradicional (actualizáu a fecha d'agostu de 2009).
Categoría:Llingüística Categoría:Política Categoría:Toponimia