La Parisienne ye una pintura de Chechu Álava fecha en 2008. Foi reconocía col premiu de Pintura de la Xunta Xeneral del Principáu d'Asturies.
Descripción Ye un oliu sobro llenzu con unes dimensiones de 130 x 89 cm. Amostra la semeya d'una adolescente que ta de pies ocupando el centru d'una estancia na que nun se puede saber con certidume lo qu'asocede. Nun se correspuende al retratu d'una persona en concretu , sinón que ta compuestu a partir de fragmentos anatómicos de delles modelos que dan como resultáu esta imaxe estilizada y esmolecedora.
Esta obra pertenez a una serie de semeyes femenines realizaos por Chechu Álava ente 2008 y 2009, ente los que tamién s'atopaben obres como Blonde o Semeya Azul.
En 2008, la obra foi la ganadora del VIII Premiu de Pintura de la Xunta Xeneral del Principáu, pasando a formar parte del fondu d'arte de la mesma xunta . La Parisienne foi espuesta n'avientu d'esi añu xunto a les otres 19 obres finalistes del certame d'artistes como Encarnación Domingo Martínez, Irene Palud Gracia , María Braña Cuesta , Mónica Dixón Gutiérrez de Terán o Charo García Pérez, ente otros.
Referencies
Categoría:Arte asturianu Categoría:Obres d'arte