El Peugeot 205 foi un automóvil del segmentu B fabricáu pola empresa francesa Peugeot ente 1983 y 1998. Presentáu comercialmente en febreru de 1983, convirtióse nún de los modelos de mayor éxitu de la historia de Peugeot y tuvo un papel importante na recuperación económica y comercial de la compañía durante la década de 1980.«PEUGEOT 205 turns 40: an alluring sacred number». Peugeot, 23 de febreru de 2023. Consultáu'l 29 d'agostu de 2026.
El proyectu, conocíu internamente como M24, buscaba crear un automóvil pequeñu y polivalente capaz de competir nun segmentu européu cada vez más importante. El diseñu esterior foi desarrolláu principalmente pol equipu de Peugeot dirixíu por Gérard Welter, mientres que Pininfarina participó nel diseñu de la versión descapotable. Comercializóse con carroceríes de trés y cinco puertes y una amplia gama de motores de gasolina y diésel.
Ente les variantes más conocíes destacó'l 205 GTI, presentáu en 1984 y convertíu nún de los automóviles deportivos compactos más representaivos de la década. Peugeot desarrolló amás el 205 Turbo 16 pa competir nel Campeonatu Mundial de Rally, onde consiguió los títulos de constructores y pilotos de 1985 y 1986.«PEUGEOT 205 turns 40: an alluring sacred number». Peugeot, 23 de febreru de 2023. Consultáu'l 29 d'agostu de 2026.
La producción terminó en 1998, dempués de quince años y 5.278.050 unidaes fabricaes.«PEUGEOT 205 turns 40: an alluring sacred number». Peugeot, 23 de febreru de 2023. Consultáu'l 29 d'agostu de 2026. El modelu foi sustituyíu progresivamente por otros automóviles de la marca, especialmente'l Peugeot 206, que continuó la presencia de Peugeot nel segmentu de los utilitarios.
Referencies
Enllaces esternos
L'Aventure Peugeot
Categoría:Automóviles Peugeot Categoría:Automóviles del segmentu B