miniaturadeimagen|330x330px|La Megalópolis de los Grandes Llagos, en naranxa nel mapa, abarca bona parte del territoriu del Cinturón del Óxidu. Llámase Cinturón del Óxidu (Rust Belt) a una rexón d'Estaos Xuníos que tien esperimentao un declive de la so capacidá industrial de magar la década de 1950. El porcentaxe del Productu Interior Brutu d'Estaos Xuníos representáu pol sector manufactureru tuvo'l so cumal en 1953 y va menguando de magar. Esto impactó enforma en determinaes rexones y ciudaes del país, principalmente del nordeste y el Mediu Oeste del país. Ciudaes como Allentown, Buffalo, Cincinnati, Cleveland, Columbus, Jersey City, Newark, Pittsburgh, Rochester, Toledo, Trenton, Youngstown, y otres de los estaos de New Jersey, Ohio, Pennsylvania y Nueva York, sufrieron (y en dellos casos siguen faciéndolo) les consecuencies de la eliminación o el treslláu a otros países de l'actividá industrial agudizada de magar les caberes décades del sieglu XX. La espresión Rust Belt fízose popular nos Estaos Xuníos de magar la década de 1980Crandall, Robert W. The Continuing Decline of Manufacturing in the Rust Belt. Washington, D.C.: Brookings Institution, 1993., y fae referencia al impactu de la desindustrialización, la decadencia económica y urbana y la pérdida de población atribuyibles al fundimientu d'un sector industrial, especialmente nos sectores del aceru, l'automoción y la minería del carbón, que yera l'esqueletu de la economía d'eses ciudaes. El términu avezó a contrastase col del Cinturón del Sol (Sun Belt), la rexón del sur del país que tien tomáu el llugar de la costa Este como zona económica y demográficamente más dinámica del país.
El Cinturón estiéndese, en dirección suroeste, dende la fastera central del estáu de Nueva York a través de los de Pennsylvania, Ohio, Virxinia Occidental, Kentucky ya Indiana, y d'ehí en dirección noroeste, al traviés de la península inferior (Lower Peninsula) de Michigan y el norte d'Illinois, hasta el nordeste de Wisconsin. A esti territoriu, conocíu nún tiempu como'l corazón industrial d'América, hai que xunir Nueva Inglaterra, tamién afectada pol declive industrial pero que supo tresformar la so economía.
Ente les causes de la decadencia, pueden destacase la tresferencia de procesos ya empleos industriales a otros países, el desarrollu de l'automatización y la decadencia de les industries del carbón y el aceruTechnology and Steel Industry Competitiveness: Chapter 4. The Domestic Steel Industries Competitiveness Problems. Washington, D.C: Congress of the United States, Office of Technology Assessment, 1980, pp. 115-151. Retrieved December 27, 2015.. No que cinca a esti últimu aspectu, dellos autores concreten más, y falen la falta de competencia nos mercaos llaborales provocada pola sindicalización y la escasa competencia ente les compañíes del mesmu sector, que provocó l'estancamientu del sectorTechnology and Steel Industry Competitiveness: Chapter 4. The Domestic Steel Industries Competitiveness Problems. Washington, D.C: Congress of the United States, Office of Technology Assessment, 1980, pp. 115–151. Retrieved December 27, 2015.. Les ciudaes más averaes a la del país, como l'área metropolitana de Nueva York y el Gran Boston, foron capaces d'adaptarse, diversificando la so economía y enfocándola al sector servicios o les industries d'alta tecnoloxía, pero otres, como Detroit, Cleveland o Saint Louis siguen sufriendo importantes dificultaes económiques y sociales, que provoquen un descensu demográficu sele pero continuuLeeman, Mark A. From Good Works to a Good Job: An Exploration of Poverty and Work in Appalachian Ohio. PhD dissertation, Ohio University, 2007..
Referencies
Enllaces esternos
Categoría:Economía d'Estaos Xuníos Categoría:Nueva York (estáu) Categoría:Nueva Jersey Categoría:Ohio Categoría:Pennsylvania Categoría:Virxinia Occidental Categoría:Kentucky Categoría:Indiana Categoría:Michigan Categoría:Illinois Categoría:Wisconsin