Adrián Carbayales ye un novelista perteneciente a la xeneración del espardimientu. Ye llicenciáu en filosofía pola Universidá d'Uviéu y escritor n'asturianu.
Diose a conocer como escritor cola novela La Rexenta contra Drácula (Ediciones Radagast, 2022), novela polémica qu'enfrenta los dos personaxes icónicos de les lletres castellanes y ingleses nuna Vetusta de finales del sieglu XIX. La novela, una de las poques obres n'asturianu en llegar a una segunda edición y contar con traducción al castellanu, fai una crítica velada al debate esistente ente concepciones de la lliteratura más clásiques y más anovadores. Según Asturian: History, contemporary status, and overview of its linguistic and cultural characteristics (De Gruyter Mouton, 2023), «cásique ye una de les noveles n'asturianu más esitoses del sieglu XXI». Tamién s'analizó nel V Alcuentru Internacional de la Rede d'Investigación sobre Metaficción nel Ámbitu Hispánico, celebráu na Universidá de Lausana, y se citó como casu d'obra que sirve pa romper col refugu a la llectura de los clásicos per parte de los mozos, asina como un puntu de partida posible pa investigaciones. En 2025 publicóse la segunda parte de La Rexenta contra Drácula: La Rexenta contra Frankenstein.
Aparte d'escritor, Adrián Carbayales ye l'autor de Tiempu de lleendes, el primer videoxuegu desendolcáu dafecho n'asturianu. Tamién foi codirector de l'AsturCon, Convención de Fantasía Asturiana y confundador de los Premios Fontenebrosa, amás de participar n'otros eventos culturales como'l Festival Celsius 232, el ciclu cinematográficu Peor... ¡Imposible! y actos organizaos pol Atenéu Obreru de Xixón.
Obra Noveles
La Rexenta contra Drácula (Ediciones Radagast, 2022) L'horror de la viesca; Los Fugaos de Llamascura II (Orpheus Ediciones Clandestinas, 2023) Asturianada Mortal (Autoedición, 2024) La Rexenta contra Frankenstein (Ediciones Radagast, 2025)
Rellatos
Los pirates del aire na antoloxía L'horru de vapor (Ediciones Radagast, 2023) Fundió'l misteriu na antoloxía L'horru máxicu (Ediciones Radagast, 2024) Ganes de postre, entrega del serial Enedina a Medianueche n'A Quemarropa (Selmana Negra de Xixón, 2024)
Traducciones
Conan el bárbaru de Robert E. Howard (Ediciones Radagast, 2022). La llamada de Cthulhu y otres hestories de H. P. Lovecraft (Ediciones Radagast, 2023). Les bruxes de Roald Dahl (Ediciones Radagast, 2024) Domino Lady de Lars Anderson (Ediciones Radagast, 2025)
Videoxuegos
Tiempu de lleendes (2022)
Referencies
Enllaces esternos
Categoría:Escritores n'asturianu Categoría:Escritores de Madrid Categoría:Alumnáu de la Universidá d'Uviéu