José Germán Menéndez Gancedo foi un futbolista y entrenador asturianu.
Xugó la mayor parte de la so carrera nel Real Sporting de Xixón, participando nel segundu ascensu na historia del club a la Primer División. Depués del Sporting xugó cuatro años nel Caudal Deportivo.
Entamó la carrera como entrenador nel Caudal na temporada 1959-1960. Tuvo al frente del equipu 28 partíos consiguiendo 20 victories, 5 empates y 3 derrotes. Na temporada 1960-1961 entrenó al Sporting sustituyendo a Amadeo Sánchez anque tampoco terminaría él la temporada, tando na más 20 partíos. Pasó depués al UP Langreo, club recién fundáu cola fusión del Círculo Popular de La Felguera y el Racing de Sama. Na primer temporada quedó primeru del grupu II de la Tercer División con 51 puntos y llogró l'ascensu del equipu a Segunda. Na siguiente temporada dimitió en xineru polos malos resultaos del equipu, tando un total de 54 partíos ente Segunda, Tercera y Copa, con 32 victories, 7 empates y 15 derrotes.
Tres dexar los banquillos tuvo al cargu de les categoríes inferiores del Club Deportivo Ensidesa.
Ye ún de los futbolistes que salió na película de José Luis Garci Volver a empezar, ganadora d'un premiu Óscar.
Clubes Como xugador
Como entrenador
Referencies
Enllaces esternos
Categoría:Futbolistes de Xixón Categoría:Entrenadores de fútbol d'Asturies Categoría:Entrenadores del Caudal Deportivo Categoría:Entrenadores del Real Sporting de Xixón Categoría:Entrenadores del Unión Popular de Langreo