Biniés ye un lugar d'a provincia de Uesca, en o municipio aragonés d'a Canal de Berdún, en a comarca d'a Chacetania y partiu chudicial de Chaca. Pende eclesiasticament d'a diocesi de Chaca.
A suya población ye de 49 habitants (2010).
Cheografía A localidat de Biniés se troba situada a 698 metros d'altaria sobre o livel d'a mar, a una distancia de 30 km d'a ciudat de Chaca, a capital d'a suya comarca, d'o suyo partiu chudicial y d'a suya diocesi.
Historia Seguntes Agustín Ubieto Arteta, a primera cita d'o lugar ye de 1042, recullida en a edición por su chermano Antonio Ubieto Arteta d'o Cartulario de San Juan de l Peña, I, en Textos Medievales, 6 (Valencia, 1962), y documenta as variants Binies, Biniesse, Biniessi, Biniese, Binue, Bimese, Benies, Uines, Vinies y Veniesse. Ubieto Arteta, Agustín: Toponimia aragonesa medieval, Valencia, 1972, pachina 61.
Demografía
Patrimonio natural Se troba amán d'a dita foz de Biniés en o río Veral.
Molimentos Castiello de Biniés, un castiello d'o sieglo XI de planta rectangular con cinco torres. Ilesia parroquial de Sant Salvador, una ilesia adedicada a lo Salvador en estilo barroco con una sola nau.
Referencias
Categoría:Lugars d'a provincia de Uesca Categoría:Lugars d'a Canal de Berdún Categoría:Localidaz d'a diocesi de Chaca en a Chacetania