L'autovía Uesca-Leida (u A-22) ye una autovía aragonesa que prencipia en Uesca, dende l'A-23, s'endreza enta Leida y, dimpués de 110 kilometros, remata connectando con l'A-2, l'AP-2, l'A-14 y l'A-27.
Dende l'1 d'octubre de 2025, ye ubierta ta lo trafico toda l'autovía, con l'ubertura d'o trampo de 12 kilometros Sietemo-Uesca, unindo asinas de camín toda la provincia.
Historia L'autovía estió incluyida en o PIT 2000-2007 d'o Partido Popular, pero a obra acumuló un gran retraso y en l'anyo 2004, en a mayoría d'os trampos ni mesmo bi heba encara prochecto de construcción. L'unico trampo con a obra licitada, a variant de Monzón, n'estió lo 13 de marzo d'ixe anyo. Dimpués d'o cambio de gubierno, s'incluyó en o PEIT 2005-2020 per o Partido Socialista Obrero Español. Dende alavez s'ha accelerau prou o ritmo de licitacions. O subtrampo Uesca-Sietemo, por a suya cercanía a lo Castiello de Mont Aragón y por haber-se produciu un fuerte debate social y politico entre los concellos de Quicena y Uesca sobre lo corredor triau ta l'autovía en ixa zona, se segregó de l'estudio informativo y d'a DIA correspondient, por o que s'ha retrasau muito la suya tramitación administrativa y ha estau lo zaguero en executar-se. Se preveyeba que l'autovía estase en servicio en 2012, pero os reachustes presupuestarios de chulio de 2010 y posteriors ficioron imposible que dica octubre de 2025 no s'ubrise l'ultimo trampo de l'autovía, dimpués de 4 anyos de retraso en a suya execución.
O Ministerio de Fomento ha posau en servicio poquet a poquet a resta d'os subtrampos de l'A-22: os 12 primers kilometros correspondioron a la variant de Monzón que dentró en servicio lo 22 de chulio de 2008. Posteriorment, o 30 de chinero de 2009 s'ubró lo trampo, con una longaria de 10,6 km, entre Ponzano y lo Pueyo de Balbastro.
As obras d'o trampo Sietemo-Uesca 8 kilometros han estau protagonistas d'una gran polemica con o Ministerio de Transportes mientres os zaguers anyos, en estar os que deseparan a localidat altoaragonesa de Sietemo d'a capital d'a provincia. Facioron falta anyos d'aspera ta que l'organismo estatal firmase lo contrato licitau anteriorment con a constructora aragonesa Vidal y la catalana Copcisa ta fer lo que a la fin serían 12,8 kilometros, en os cuals s'unirían definitivamente as autovías A-22 y A-23 en dirección a Zaragoza y Chaca. Ixa firma se publicó en o Boletín Oficial del Estado lo 30 de chunio de 2018.J.A.: Fomento firma al fin el contrato del último tramo de la autovía Huesca-Lérida, licitado hace un año], en Heraldo de Aragón, 9 de chulio de 2018.
Dimpués d'anyos d'aspera, a la fin as obras d'o zaguero trampo que faltaba ta construyir d'ista infrastructura aragoneso-catalana prencipioron o 28 d'agosto de 2018 con un presupuesto de 46,77 millons d'euros. A inauguración d'iste zaguer trampo se celebró l'1 d'octubre de 2025, con a presencia d'o ministro de Transportes Óscar Puente.Óscar Puente preside la puesta en servicio del tramo de la A-22 entre Siétamo y Huesca, que completa la autovía hasta Lleida, con una inversión de 69 millones de euros, en a web d'o Ministerio de Transportes.
Trampos
Nombre Trampo Anyo servicio Kilometros50px Connexión A-2-La Cerdera 2009 4,750px La Cerdera-variant d'Almacellas 2009 4,250px Variant d'Almacellas 2012 9,850px Muga provincial de Uesca-variant de Binéfar 2011 16,350px Variant de Binéfar 2011 7,150px Variant de Monzón 2008 13,850px Variant de Balbastro 2010 1150px El Pueyo-Ponzano 2009 10,250px Ponzano-As Viliellas 2011 16,4 50px As Viliellas-Sietemo 2010 5,15 50px Sietemo-Uesca 2025 13,2
Referencias
Categoría:Autovías y autopistas d'Aragón Categoría:Autovías y autopistas de Catalunya