Llaunas u Las Llaunas (en catalán estándard Les Llagunes, en castellano Llagunas) ye un lugar a mán de Las Pauls y perteneixient a iste municipio, situato en a comarca de Ribagorza. En 1991 teneba una población de 1 habitant.
Cheografía Situato a mán de lo río Baliera, a la dreita de lo barranco de Planas Royas, en lo camín d'Ardané. Lo solo habitant que i queda combina l'agricultura, ganadería y una casa de turismo rural, Casa Troguet.
Toponimia Seguntes Günter Haensch ye Las Llaunas, seguntes Bienvenido Mascaray ye Llaunas y lo nombre oficial Las Llagunas ye una adaptación de lo sieglo XVI.
La evolución dende lo latín LACUNA da en aragonés central "Lacuna", en aragonés cheneral "Laguna", da "Llaguna" con palatalización de la L- en aragonés ribagorzano como veyemos en la microtoponimia d'Ansils. Manimenos se troba La Llauna como microtoponimo en Campo. Lo macrotoponimo Las Llaunas en Las Paúls contrasta con l'uso de Llacuna en catalán estándard.
La perdua total de la consonant intervocalica en la evolución de lo latín LACUNA se troba en bellas parlas occitanas (lòna), encara que en occitán cheneral ye laguna (lagua en gascón).
Parla Se i charra catalán ribagorzano.
Categoría:Lugars de las Pauls Categoría:Localidaz d'a diocesi de Balbastro-Monzón en Ribagorza