L'albercoquero u albercheroCon a variant femenina alberchera () ye un árbol fruitero caducifolio que o suyo fruito ye l'albercoque, albercheCon a variant alberque, ubridorCon as variants obridor y abridor u matacríos. Se diz tamién a vegadas presegueraCon as variants presieguera y presiquera, un termin tamién emplegau pa la especie Prunus persica, por lo que o suyo fruito tamién se puet decir presiegoCon as variants presieco y presigo.
O fruito suyo ye una drupa, como o de toz os árbols d'o chenero Prunus, encara que mes chicot y ronchet que no os presiegos, con la piel royenca y atierzopelada, y o ruello interior liso. O suyo gusto en tastar-lo ye dulce y suau.
L'árbol ye natural de China, igual que atras especies d'o chenero Prunus, y os romanos lo trayoron ta Europa per l'anyo 70 aC. A especie se fayó bien a o puesto y escapó bien en o continent europeu, especialment en a Peninsula Iberica.
Fitonimia Os denominacions d'a especie y o fruito en a mes gran parte d'as luengas europeas (por eixemplo en anglés "apricot" y en francés "abricot") que derivan d'es romances hispanicos, es cuals l'heban presa de l'arabe al-burquk.
En muitos puestos d'Aragón o fruito se diz alberje y l'árbol alberjera, pero no ye un aragonesismo real como cabría pensar. En realidat ye un mozarabismo transmeso por l'arabe y derivato d'o latín persicum, como l'aragonés "presco", relacionato con a parola alberchigoRafael Lapesa "Historia de la lengua española". Gredos present en castellano. Este mozarabismo fue preso por l'aragonés como alberche pa dimpués castellanizar-se con o modelo de almarchal-almarjal, Borcha-Borja u localment archila > argila. Persicum > *alberche (o mozarabismo fue transmeso por l'arabe con articlo aglutinato) > alberhe.
En bellas partes d'Aragón se le diz domasquino, fendo-los provinients de Domás.
En bels puestos abridor se refiere a una mena de presiego y no a l'albercoque.
Notas
Referencias
Vinclos externos
armeniaca Categoría:Árbols fruiters Categoría:Árbols presents en Aragón