En biolochía, una especie (d'o latín spĕcĭes) ye una d'as unidaz basicas d'a biodiversidat. Per un regular, una especie ye constetuita d'organismos individuals d'una población natural, con:
Capacidat ta cobrir-se entre ellos y reproducir-se, librando nuevos individuos fértils. Aspecto fisico, caracteristicas y chenoma similars, pos tienen ancestros comuns en tiempos relativament recients.
D'antes no se determine si diferents individuos perteneixen a la mesma especie, cal estudiar-los ta poder unificar-ne os rasgos a considerar. Anque bi ha diferents definicions d'especie, huei a separación d'entre especies ye prou bien definita, atamas d'a linia separadera d'especies y subspecies que ye mes deficil de determinar concluyentement. As especies s'agrupan en cheneros, familias, órdens..., d'alcuerdo con o suyo parentache filochenetico.
En a clasificación cientifica, cada especie tiene un nombre binominal; o primero ye especificar-ne o chenero y dimpués a especie, anque, ta identificar-la s'han de mentar es dos nombre chuntos, per un regular escritos en corsiva (perque son en latín) y subrayatos cuan son escritos a man. Asinas, os humanos somos una especie d'o chenero Homo, dita Homo sapiens. Esta nomenclatura fue estandardizada per Carl von Linné en o sieglo XVIII y a sobén s'en diz "nomenclatura linneguana". Mes formalment, o nombre especifico se gosa escribir con o suyo descubridor u descriptor acompanyando-lo, chunto con l'anyo en que ne facioron a primer descripción.
Numero d'especies Lo numero real d'especies ye muito impreciso y varia notablement seguntes las fuents. Cualques estimacions abarcaban dende millons a billons d'especies, encara que un estudio de 2017 aumenta ixa cifra dica 1 trillón en a suya mayoría especies microbianas. Kenneth J Locey, Jay T. Lennon (2017). Scaling laws predict global microbial diversity. PMC.
thumb|right|200px|A paixarella monarca (Danaus plexippus) ye una especie d'insecta. thumb|right|200px| A rana pirinenca Rana pyrenaica) ye una especie d'Amphibia. Sin incluyir especies fósils, alto u baixo, dica lo momento s'han descrito 2,3 millons d'especies, Soecies. Catalogue of Life. d'eucariotas descritas que se puet desglosar asinas:Entrata en a Lista Roya d'as Especies Menazatas.
68.773 Vertebrata: 6.054 Mammalia Mammalia en a Lista Roya d'as Especies Menazadas.. 11.157 Aves. Birds of the world. 10.196 Reptilia. 8.136 Amphibia Amphibia en a Lista Roya d'as Especies Menazadas.. 33.230 (2015) Pisces 1.404.446 Invertebraus: 1.147.646 Insecta. 86.600 (2024) Mollusca. 40.000 Crustacea. 130.200 altros invertebratos. 292.350 Plantae: 20.000 molsas. 13.025 falces. Natural History Museum; Pteridophytes (ferns, lycophytes and their allies) 1.052 Gimnosperma (2014). 199.350 Magnoliopsida. 59.300 Lilliopsida. 10.000 liquens.
Se veiga tamién Sistema de nomenclatura binominal. Clasificación cientifica. Clase (biolochía). Orden (biolochía). Familia (biolochía). Chenero (biolochía).
Vinclos externos
catalogueoflife.org.
Referencias
Categoría:Categorías taxonomicas