Alifonso V d'Aragón dito lo Magnanimo (Medina del Campo, 1396 - † Nápols, 1458) estió un rei d'Aragón, Valencia (Alifonso III), Mallorca (Alifonso I), Sicilia (Alifonso I) y Cerdenya (Alifonso II), conte de Barcelona (Alifonso IV) (1416-1458) y rei de Nápols (Alifonso I) (1442-1458).

Casó con María en a seu de Valencia lo 12 d'octubre de 1415, ceremonia oficiada por Benedet XIII d'Avinyón, un anyo antes de estar feito rei d'Aragón.

En a suya cort de Nápols destacó como mecenas d'artistas y intelectuals renaixentistas. S'ha dito que yera mas preucupau por Nápols que por Aragón, Catalunya u Valencia<ref> Alfonso V, «El Magnánimo», en a Gran Enciclopedia Aragonesa.</ref>. En o suyo reinau se popularizó a dita: rei tingam i no el conegam. Celebró Corz d'Aragón en Val de Robres en 1429. O feito que a suya cort estase en Nápols contribuyó a fer que desapareixese l'uso oficial de l'aragonés a favor d'o castellano, y los suyos subditos napolitans deciban la maestá del segnor re parla sempre spagnuolo. Ye precisament en a cort de Nápols on amaneixió o Cancionero de Stúñiga.

O 20 de marzo de 1420 revocó lo privilechio de reunir-sen en mesta los pastors y ganaders d'a tierra d'Albarracín, privilechio concediu por o suyo padi, en estar este privilechio contrario a los intreses d'a Casa de Ganaders de Zaragoza.

Alifonso V consiguió financiación d'os valencianos en a guerra pa conseguir o Reino de Nápols cedendo a la seu de Valencia a custodia d'o Santo Gredal.

En o reino de Nápols reestructuró l'aduana de bestiar transhumant entre los Abruzos y Pulla (1447) institucionalizando a Dogana della Mena delle pecore di Puglia''. A potent renda fiscal en materia ganadera s'articuló seguntes modelos d'as coronas de Castiella y Aragón en o sieglo XIII, con asimilación de modelos ya existents de tiempos d'os normandos y de Frederico II.

Referencias

Vinclos externos

Árbol chenealochico

Categoría:Muertos en Nápols Categoría:Naixius de Medina del Campo Categoría:Reis d'Aragón Categoría:Reis de Corcega Categoría:Reis de Nápols Categoría:1396 (naixencias) Categoría:1458 (muertes)