A garza u picaraza Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals, Edicions Val d'Onsera, 2004, , p.129. ( (L., 1758)), tamién dita pepa, ye un muixón d'a familia d'es corvidos con a cabeza, coda y patas caracteristicament de color negra, mientres que lo vientre el tien de color blanca. A coda ye tamién singularment larga.
As plumas d'a suya coda y alas pueden manifestar brilors azulencas u verdas pendendo d'a luz. As alas son curtas y arrondoladas per as ripas. Tien un caracteristico grito que diz cha-cha-cha-cha, que en es pollez se manifiesta mes como chilo. Per tanto, son d'es pocos corvidos que no grallan.
Ye un muixón de fácil identificar y muito abundant. Se puet trobar dende a Peninsula Iberica enta l'Extremo Orient, con poblacions encara en America d'o Norte d'una subspecie semellant, y también en o norte d'Africa. As suyas midas van entre es 40 y es 45 cm de longaria, plegando enta 60 cm d'amplaria d'as alas.
Una d'as trazas mes conoixitas d'es masclos d'istes animals ye la suya falaguera de cullir obchectos brilants en l'epoca de celo suyo, emplegando-los ta rondar as fembras con éls. También éls ponen en o suyo niedo, que ye caracteristicament redondo, feto con un ret de brancas y palos.
Trivialidaz En l'Alto Aragón, sobretot entre la chent de mes edat, encara s'emplega la parola "garza" como a piropo ta designar cuan una muller ye beroya. Isto amuestra l'apreciación que en a cultura aragonesa se ha feto d'istes muixons, fendo mas atención a las suyas colors y plomas que no a altras trazas d'a suya conducta, y resulta curioso si se contimpara con altros puestos d'Espanya, a on istes animals son muito mal consideratos. A exprisión "dar garza per perdiz" significa enganyuflar a belún en a calidat de bella cosa por meyo d'unatra inferior pero parellana.
Subspecies Actualment es ornitologos en distinguen a saber-las subspecies arredol d'o mundo.
Imáchens
Referencias
Vinclos externos
Imáchens y sonius d'a garzas Atlas d'aus d'Aragón.
pica Categoría:Aus d'Aragón Categoría:Fauna d'Asia Categoría:Fauna d'Europa Categoría:Fauna d'Andorra Categoría:Fauna d'Alcheria Categoría:Fauna de Marruecos Categoría:Fauna de Tunicia Categoría:Fauna d'os Pireneus Categoría:Taxons nombraus por Carl Linnaeus