Iste articlo ye sobre o lugar ribagorzano. Ta atros usos se veiga Aneto (desambigación).
Aneto ye un lugar aragonés situato en a parti norte d'a vall de Barrabés, en a comarca de Ribagorza y provincia de Uesca. Perteneixe a lo municipio de Montanui.
Viven en o lugar de forma permanent unas vente personas. L'actividat principal ye a ganadería de montanya. Bi ha unos grans tascals y tamién praus de hierba ta dallar. A luenga habitual ye la catalana.
En o lugar bi ha un bar restaurant, casas rurals que ofreixen alochamiento y una casa de colonias d'estiu (L'Estel), ta ninos y chóvens. Tien tamién un "centro d'interpretación" d'o Parque Natural de Posets-Maladeta, a lo cual perteneixe parti d'o suyo termin.
D'o mesmo lugar sale una carretera de montanya que leva ta l'ibón de Llauset, a 2.100 metros d'altaria. Ista carretera ye ubierta, cheneralment, de chunio a octubre. Se fació en os anyos setanta, ta construir un gran entibo y una serie de tónels y d'instalacions ta la central reversible dita de Llauset-Baserca.
Por cuestions purament cartograficas se dió (en o sieglo XVIII) o nombre d'o lugar a lo pico Aneto, lo mas alto d'os Pireneus, ya que un equipo de topografos franceses lo cartografió salindo d'iste lugar.
Cheografía Aneto ye situato a 1.340 metros d'altaria sobre o livel d'a mar, a una distancia de 182 km d'a ciudat de Uesca, a capital d'a suya provincia. Bi ha un tormo erraticoFernando Biarge, José María García Ruiz, Ana Biarge Roca viva. El modelado del paisaje pirenaico. Diputación de Huesca, 2001. pp182
Demografía
Referencias
Vinclos externos
Categoría:Lugars d'a provincia de Uesca Categoría:Lugars de Montanui Categoría:Localidaz d'a diocesi de Balbastro-Monzón en Ribagorza