Colin James Farrell, naixiu de Caisleán Cnucha (Condau de Dublín, Irlanda) lo 31 de mayo de 1976, ye un actor irlandés, activo en o cine irlandés y posteriorment en o cine britanico y en o cine estausunidense dende meyaus d'os anyos 1990, con cuantos premios y nominacions recibius mientres a suya carrera cinematografica. Ye fillo d'o futbolista Eamon Farrell y sobrín d'o futbolista Tommy Farrell.
D'entre la suya filmografía como actor, se pueden mencionar bellas cintas a on i ha treballau, como The War Zone (1999, Tim Roth), Tigerland (2000, Joel Schumacher), Minority Report (2002, Steven Spielberg), S.W.A.T. (2003, Clark Johnson), Alexander (2004, Oliver Stone), In Bruges (2008, Martin McDonagh), London Boulevard (2010, William Monahan), Total Recall (2012, Len Wiseman), Winter's Tale (2014, Akiva Goldsman), The Beguiled (2017, Sofia Coppola), The Gentlemen (2019, Guy Ritchie), Voyagers (2021, Neil Burger), The Banshees of Inisherin (2022, Martin McDonagh), u A Big Bold Beautiful Journey (2025, Kogonada).
Premios Colin Farrell fue nominau a lo Premio Oscar a lo Millor Actor en 2023, mientres a 95ena edición d'os Premios Oscar, por a suya actuación como "Pádraic Súilleabháin" en a cinta The Banshees of Inisherin, dirichida por Martin McDonagh. Por ista mesmo papel y en ixe mesmo anyo tamién fue nominau a lo Premio BAFTA a lo Millor Actor, mientres a 76ena edición d'os Premios BAFTA
Recibió dos nominacions a lo Premio d'o Cine Europeu a lo Millor Actor: en 2015 mientres a 28ena edición d'os Premios d'o Cine Europeu por a suya interpretación como "David" en a cinta The Lobster, dirichida por Yorgos Lanthimos, y en 2017 en a suya 30ena edición por o suyo papel como "Steven Murphy" en a cinta The Killing of a Sacred Deer, tamién dirichida por Yorgos Lanthimos.
Ganó dos vegadas o Premio Globo d'Oro a lo Millor Actor de Musical u Comedia: en 2009 mientres a 66ena edición d'os Premios Globos d'Oro por o papel de "Ray" en a cinta In Bruges, dirichida por Martin McDonagh, y en 2023 en a 80ena edición por a interpretación de "Pádraic Súilleabháin" en a cinta The Banshees of Inisherin, dirichida tamién por Martin McDonagh; estando amás tamién nominau a iste mesmo premio en 2017, mientres a 74ena edición d'os Globos, por o suyo papel como "David Matthews" en The Lobster, dirichida por Yorgos Lanthimos. Tamién recibó un Premio Globo d'Oro a lo Millor Actor en Miniserie de Televisión u Telefilm l'anyo 2025, en a 82ena edición d'os Globos, por "Oswald "Oz" Cobb / The Penguin" en a serie de televisión The Penguin.
Filmografía Colin Farrell en Internet Movie Database. Cintas Anyo Títol d'a cinta Director Banda sonora Elenco Atros [ ''''] en Internet Movie Database.
Series de televisión Serie Anyo Episodio Director Elenco Atros<ref> [ ''] en Internet Movie Database.</ref> | | '' [ ''''] en Internet Movie Database.
Referencias
Se veiga tamién Cintas interpretadas por Colin Farrell.
Vinclos externos
Colin Farrell en Internet Movie Database.
Categoría:Actors d'Irlanda Categoría:Naixius de Caisleán Cnucha Categoría:Nominaus a lo Premio BAFTA a lo Millor Actor Categoría:Nominaus a lo Premio d'o Cine Europeu a lo Millor Actor Categoría:Nominaus a lo Premio Globo d'Oro a lo Millor Actor de Musical u Comedia Categoría:Premio Globo d'Oro a lo Millor Actor en Miniserie de Televisión u Telefilm Categoría:Nominaus a lo Premio Oscar a lo Millor Actor Categoría:Premio Globo d'Oro a lo Millor Actor de Musical u Comedia Categoría:1976 (naixencias)