Francisco Bono Ríos, conoixiu como Paco Bono (Zaragoza, 1945 - 7 de chunio de 2022 Muere Francisco Bono, exconsejero de Economía del Gobierno de Aragón, en Heraldo de Aragón, 7 de chunio de 2022.) estió un economista y politico aragonés que estió consellero d'Economía y Hicienda, Economía, Hicienda y Comercio y Economía y Emplego en diferents executivos d'o Gubierno d'Aragón.
Biografía Paco Bono naixió de Zaragoza en 1945, licenciando-se en 1971 en Ciencias Economicas por a Universidat de Barcelona y obtenendo o grau de doctor por a mesma universidat en 1977. Estió un d'os fundadors d'a Facultat de Ciencias Economicas y Empresarials d'a Universidat de Zaragoza, a on exerció primero como profesor agregau de Macroeconomía y dimpués como profesor titular d'Economía Aplicada, impartindo Politica Economica. Tamién estió fundador en 1981 d'o Colechio d'Economistas d'Aragón.
Desarrolló a suya carrera profesional como economista en Ibercaja, a on estió chefe d'Estudios y Comunicación y vicepresident dica a suya chubilación en 2010. Amás fació parti d'o consello d'administración de diferents sociedaz como a plataforma lochistica PLAZA u Aramón.
En a Deputación Cheneral d'Aragón ocupó o puesto de consellero d'Economía y Hicienda en 1982 y consellero d'Economía, Hicienda y Comercio dica 1983 en os primers gubiernos autonomicos de Gaspar Castellano y de Gastón y Juan Antonio de Andrés. En 2011 tornaría a ocupar o puesto de consellero d'Economía y Emplego dica 2015 en o gubierno d'a popular Luisa Fernanda Rudi.
Referencias
Vinclos externos Francisco Bono Ríos. Consejo General de Economistas.
Categoría:Alumnos d'a Universidat de Barcelona Categoría:Naixius de Zaragoza Categoría:Consellers d'Economía d'a Deputación Cheneral d'Aragón Categoría:Consellers d'Hicienda d'a Deputación Cheneral d'Aragón Categoría:Gubierno Rudi Categoría:Gubierno De Andrés Categoría:Segundo Gubierno Castellano Categoría:Politicos d'Aragón Categoría:Profesors d'a Universidat de Zaragoza Categoría:Profesors universitarios d'Aragón Categoría:1945 (naixencias) Categoría:2022 (muertes)