Plein soleil (títol orichinal en francés, en aragonés A lo sol fitero, estrenada en Aragón con o suyo títol traduciu enta lo castellano como A pleno sol) ye una cinta de cine d'intriga policiaco coproducida por o cine francés y lo cine italiano estrenada l'anyo 1960, dirichida por René Clément seguntes un guión adaptau por él mesmo y por Paul Gégauff (basau en a novela The Talented Mr. Ripley, que heba publicau Patricia Highsmith en l'anyo 1955), con una banda sonora orichinal de Nino Rota, una dirección de fotografía d'Henri Decaë y una producción cinematografica de Robert Hakim y Raymond Hakim ta las productoras Robert et Raymond Hakim, Paris Film, Paritalia y Titanus. De l'elenco d'actors d'a cinta en fan parte, entre d'atros, Alain Delon, Marie Laforêt, Maurice Ronet, Elvire Popesco, Erno Crisa, Frank Latimore, Billy Kearns, Ave Ninchi, Viviane Chantel, Nerio Bernardi, Barbel Fanger, Lily Romanelli, Nicolas Petrov, Paul Muller y Jacqueline Parey.
Tom Ripley ye un choven estausunidense a qui lo pai de Philippe Greenlea ha ninviau en Italia ta que convenza a su fillo, un conoixiu "playboy", ta que torne en San Francisco y contine con o negocio familiar. Tanimientres, Philippe no tien garra intención de tornar-ie y Tom s'adhibe a las suyas aventuras. Bien luego Tom s'obsesiona con Philippe y con Marge, la suya novia, y a la vegada gola la vida que fan de personas bien cabaleras en o lugar de Mongibello, a lo canto d'a mar. Mica en mica Philippe prencipia a atrallar-se d'os convoyos de Tom y prencipia a tractar-lo mal, dica que bel día cuan son en a mar lo deixa albandonau horas a lo sol en una barca arrpcegada por o velero. Dende alabez, Tom prepara un plan ta suplantar a Philippe y robar-li la suya identidat y tamién os suyos diners. En primeras fa que Marge descubra las aventuras amorosas de Philippe y consigue que ista marche d'o barco. Cuan Philippe intuye lo plan de Tom li proposa pagar-li una cantidat de diners ta que marche y los deixe solos a él y a Marge, pero iste refusa y lo mata. Cuan preba d'aventar o cadavre, cayen a la mar y finalment Tom consigue puyar de nuevo a lo barco, marchando enta lo puerto. En tornar en Mongibello, explica a Marge que Philippe ha marchau, y dende alabez falsifica lo pasaporte y la firma d'a victima y se fa paar por él mientres bel tiempo en bels puestos d'Italia, dica que Freddy Miles, un amigo de Philippe, lo troba y sospeita, matando-lo tamién Tom. As sospeitas d'a Policía recayen en Philippe y prencipia una investigación, obligando a Tom a alternar entre todas dos personalidaz ta fuyir-ne. Finalment, falsifica una nota de suicidio y preba de dar cantarias a Marge, en haber amñas falsificau un testamento de Philippe a on deixa toz os suyos diners a Marge. Tanimientres, o problema plega cuan lo pai de Philippe plega en Mongibello ta zarrar a transferencia d'as propiedaz enta Marge, que ha decidiu vender o velero.
A cinta s'ambienta en a suya epoca actual (1960) en Roma y atros puestos d'Italia, y las suyas escenas se filmoron en Ischia (ciudat metropolitana de Nápols) y Roma (Lazio) en Italia. Localizacions de Plein soleil en Internet Movie Database.
Ye una cinta que ha recibiu bel premios cinematograficos, encara que ditos premios no fan parte d'os premios cinematograficos mas conoixius u destacaus.
Elenco Plein soleil en Internet Movie Database. Actor Papel Notas ''''
Se veiga tamién Cine en 1960. Cintas de 1960.
Referencias
Vinclos externos Plein soleil en Internet Movie Database. Plein soleil en AllMovie. Plein soleil en TCM Movie. Plein soleil en Rotten Tomatoes.
Categoría:Cintas ambientadas en Italia Categoría:Cintas ambientadas en Roma Categoría:Cintas ambientadas en 1960 Categoría:Cintas con banda sonora orichinal de Nino Rota Categoría:Cintas con dirección de fotografía de Henri Decaë Categoría:Cintas con guión de Paul Gégauff Categoría:Cintas con guión de René Clément Categoría:Cintas con montache de Françoise Javet Categoría:Cintas de cine d'intriga Categoría:Cintas de cine policiaco Categoría:Cintas de Francia Categoría:Cintas d'Italia Categoría:Cintas dirichidas por René Clément Categoría:Cintas en anglés Categoría:Cintas en francés Categoría:Cintas en italiano Categoría:Cintas en Eastmancolor Categoría:Cintas interpretadas por Alain Delon Categoría:Cintas interpretadas por Ave Ninchi Categoría:Cintas interpretadas por Barbel Fanger Categoría:Cintas interpretadas por Billy Kearns Categoría:Cintas interpretadas por Elvire Popesco Categoría:Cintas interpretadas por Erno Crisa Categoría:Cintas interpretadas por Frank Latimore Categoría:Cintas interpretadas por Jacqueline Parey Categoría:Cintas interpretadas por Lily Romanelli Categoría:Cintas interpretadas por Marie Laforêt Categoría:Cintas interpretadas por Maurice Ronet Categoría:Cintas interpretadas por Nerio Bernardi Categoría:Cintas interpretadas por Nicolas Petrov Categoría:Cintas interpretadas por Paul Muller Categoría:Cintas interpretadas por Viviane Chantel Categoría:Cintas producidas por Raymond Hakim Categoría:Cintas producidas por Robert Hakim Categoría:Cintas rodadas en Ischia Categoría:Cintas rodadas en Roma