Antonio Ibáñez de la Riva Herrera (Solares, Cantabria, 1633 – Madrit, 3 de setiembre de 1710 Antonio Ibáñez de la Riva-Herrera. Real Academia de la Historia. Archbishop Antonio Ibáñez de la Riva Herrera. Catholic-Hierarchy) estió un prelau, arcebispe, inquisidor cheneral, president d'o Consello Reyal de Castiella, Capitán cheneral y Virrei d'Aragón. Morió cuan iba a prener posesión d'o suyo cargo como arcebispe de Toledo, Primau d'Espanya.
Biografía Estudió en Salamanca, ordenando-se mosén. Fue nombrau sucesivament Colechial Mayor de San Ildefonso de Alcalá San Ildefonso de Alcalá, canonche machistral d'a seu de Málaga, bispe de Ceuta (1685-1687) y arcebispe de Zaragoza (1687-1710). Archdiocese of Saragossa, Spain. GCatholic Entre 1690 y 1692 presidió o Consello de Castiella. Estió tamién President d'a Sala de Millones, planteyando a reforma d'a hicienda mientres o reinau de Carlos II, pa eliminar o fraude fiscal en o reino. Por dos vegadas ocupó os cargos de Virrei y Capitán Cheneral d'Aragón, a primera d'ellas entre 1693 y 1696 y a segunda en plena guerra de Succesión, entre 1703 y 1705. En o suyo segundo mandato aragonés se mantenió fidel a la causa de Felipe IV, quien lo nombró Inquisidor Cheneral y lo proposó pa a seu de Toledo.
Convocó sinodo en Zaragoza en 1697, elaborando as Constitucions Sinodals, Constituciones Sinodales y establió o Montepiu de Zaragoza. Mientres o suyo arcebispau en Zaragoza se facioron as obras de construcción d'a nueva torre d'a Seu, habendo-se ficau a primera piedra en chulio de 1681, estando arcebispe don Diego de Castrillo. As obras s'encargoron a os mayestros aragoneses Pedro Cuyeo, Gaspar Serrano y Jaime de Busiñac.
En 1695 fue nombrau por o rei superintendent d'as obras d'a Basilica d'o Pilar de Zaragoza, fendo-se mientres o suyo mandato l'alacetada d'o costau norte y o costau sud.
Ordenó tamién a construcción en 1692 d'a suya residencia en Solares, o dito Palacio d'os Marqueses de Valbuena.
O suyo sepulcre, baixo arcosolio, se troba situau en a Capiella de Sant Chaime o Mayor d'a Seu de Zaragoza, a on fuoron tresladadas as suyas restas en 1780, setanta anyos dimpués d'a suya muerte.
Referencias
Categoría:Bispes de Ceuta Categoría:Arcebispes de Toledo Categoría:Arcebispes de Zaragoza Categoría:Virreis d'Aragón Categoría:Inquisidors chenerals d'Espanya Categoría:Presidents d'o Consello de Castiella Categoría:Alumnos d'a Universidat de Salamanca Categoría:Arcebispes de Cantabria Categoría:Bispes de Cantabria Categoría:Militars de Cantabria Categoría:Politicos de Cantabria Categoría:1633 (naixencias) Categoría:1710 (muertes)