Iste articlo ye sobre una cinta de comedia belica romantica de cine estausunidense estrenada en 1964; ta atros usos, se veiga Father Goose.

Father Goose (títol orichinal en anglés, en aragonés Pai auco, estrenada en Aragón con o títol d'Operación Whisky) ye una cinta de cine estausunidense de cine de comedia romantico-belica estrenada l'anyo 1964, dirichida por Ralph Nelson seguntes un guión orichinal por Peter Stone y Frank Tarloff (basau en A Place of Dragons, un relato curto esrito por S. H. Barnett), con una banda sonora orichinal de Cy Coleman, una dirección de fotografía de Charles Lang, una producción cinematografica de Robert Arthur y un elenco formau por Cary Grant, Leslie Caron, Trevor Howard, Jack Good, Peter Forster, Simon Scott y Ken Swofford, entre d'atros actors.

En febrero de 1942 la Royal Australian Navy ye evacuando Salamaua en Papua y Nueva Guinea en trobar-se baixo la menaza de l'Imperio d'o Chapón mientres a Segunda Guerra Mundial. Tanimientres, son deixando entazaga un rete de "coastwatchers" ta que cosiren os movimientos chaponeses y tienen problemas ta cubrir un d'ixos puestos de vichilancia. O comandant Frank Houghton, australiano, decide recrutar baixo menazas y presions a Walter Eckland, un candanero estausunidense a qui nomás l'intresa que lo whisky y que nomás quiere que vivir luent de toz. A forma de conseguir a suya colaboración ye menazar-lo de requisar o suyo barco, de provocar en iste una avería que fa que temporalment no pueda navegar y en amagar-li las botellas de whisky en bels puestos d'a isla a on se i troba y fendo-le a promesa de decir-le a on se troba una cada vegada que de informacions d'utilidat. Poco dimpués un atro "coastwatcher" amenista aduya y ninvían a Walter, qui se troba con a sorpresa de que l'hombre en busca d'o cual ha marchau ha muerto y en o suyo puesto troba un grupo curioso que ha deixau entazaga un avión que los evacuaba: Catherine Freneau, una mesacha francesa filla d'o cónsul francés en Rabaul y siet colechialas que se troban a lo suyo cudiau. Ha de tornar con o grupo en a suya isla pero bien luego la suya forma de ser provoca bels problemas con o grupo de colechialas y con a francesa, que han de prolargar a suya estada en a suya isla en no poder por o momento evacuar-las os australians.

A cinta s'ambienta en febrero de l'anyo 1942 en Salamaua y atros puestos de Papua y Nueva Guinea y las suyas escenas se filmoron en a parroquia de Saint Ann (Chamaica) y en os Universal Studios en Universal City y los Republic Studios en Los Angeles, istos dos zagueros en California en os Estaus Unius. Localizacions de Father Goose en Internet Movie Database.

Se tracta d'una cinta que ha recibiu bels premios y nominacions en destacando un Premio Oscar (Millor Guión Orichinal) y dos nominacions (Millor Montache y Millor Soniu) en a suya 37ena edición y una nominación a los Premios Globos d'Oro (Millor Cinta de Musical u Comedia) en a suya 22ena edición.

Elenco Father Goose en Internet Movie Database. {|class="wikitable sortable" style="font-size: 90%;"

! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas

| ''

Se veiga tamién Cine en 1964. Cintas de 1964.

Referencias

Vinclos externos

Father Goose en Internet Movie Database. Father Goose en Rotten Tomatoes. Father Goose en TCM Movie. Father Goose en l'American Film Institute Catalog de l'American Film Institute''.

Categoría:Cintas ambientadas en Papua y Nueva Guinea Categoría:Cintas ambientadas en Salamaua Categoría:Cintas ambientadas en 1942 Categoría:Cintas con banda sonora orichinal de Cy Coleman Categoría:Cintas con dirección de fotografía de Charles Lang Categoría:Cintas con guión de Frank Tarloff Categoría:Cintas con guión de Peter Stone Categoría:Cintas con montache de Ted J. Kent Categoría:Cintas de cine belico Categoría:Cintas de cine de comedia Categoría:Cintas de cine de romance Categoría:Cintas d'Estaus Unius Categoría:Cintas dirichidas por Ralph Nelson Categoría:Cintas en anglés Categoría:Cintas en francés Categoría:Cintas en chaponés Categoría:Cintas en Technicolor Categoría:Cintas interpretadas por Cary Grant Categoría:Cintas interpretadas por Jack Good Categoría:Cintas interpretadas por Ken Swofford Categoría:Cintas interpretadas por Leslie Caron Categoría:Cintas interpretadas por Peter Forster Categoría:Cintas interpretadas por Simon Scott Categoría:Cintas interpretadas por Trevor Howard Categoría:Cintas producidas por Robert Arthur Categoría:Cintas rodadas en Los Angeles Categoría:Cintas rodadas en a parroquia de Saint Ann Categoría:Cintas rodadas en Universal City Categoría:Cintas de cine sobre a Segunda Guerra Mundial