García I Galíndez o Malo (?-833), conte d'Aragón (820- 833). As pocas noticias sobre a suya vida, recullidas por historiadors posteriors, se troban en o Codice de Roda.
Biografía Fillo de Galindo Belascotenes, se casó con Matrona, filla d'Aznar I Galíndez conte d'Aragón. Mató a o suyo cunyau Centulfo y rebuyó a Matrona ta casar-se con Nunila de Pamplona, filla d'Enneco Ariesta, rei de Pamplona, con a cual tenió un fillo, Galindo Garcés. Seguntes a tradición, a causa estió que Centulfo y su chermano Galindo I Aznárez le facioron una broma encerrando-lo en una casa a nueit de Sant Chuan.
Enneco Arista le proporcionó un chicot exercito con o que deposó a Aznar I Galíndez y prenió o gubierno d'o condau d'Aragón (820).
En 824, refirmó a Enneco contra una expedición carolinchia en Navarra ordenata por Loís o Piadoso y comandata por os contes Elbe y Aznar. Con l'aduya de Musa ibn Fortún, d'a familia d'os Banu Qasi, os francos fuoron redotatos.
Seguntes bellas fuents, en 833 deixó o gubierno d'o condau a o suyo fillo Galindo Garcés.
Vinclos externos García I Galíndez en Rodovid.
Categoría:Contes d'Aragón Categoría:Dinastía Belascotenes