The Tarnished Angels (títol orichinal en anglés, en aragonés Os ánchels sin de brilo, estrenada en Aragón con o suyo títol traduciu enta lo castellano como Ángeles sin brillo) ye una cinte de cine de drama y cine de romance de cine estausunidense de l'anyo 1957 dirichida por Douglas Sirk seguntes un guión adaptau por George Zuckerman (basau en Pylon, una novela publicada por William Faulkner en l'anyo 1935), con una banda sonora orichinal de Frank Skinner, una dirección de fotografía d'Irving Glassberg y una producción cinematografica d'Albert Zugsmith ta la productora cinematografica Universal-International. De l'elenco d'a cinta en fan parte Rock Hudson, Robert Stack, Dorothy Malone, Jack Carson, Robert Middleton, Alan Reed, Alexander Lockwood, Chris Olsen, Robert J. Wilke, Troy Donahue y William Schallert, entre d'atros actors.
Roger Shumann ye un piloto d'avions, veterano d'a Primera Guerra Mundial, a on i combatió con a Escuadrila Lafayette formada por voluntarios d'os Estaus Unius antes d'a dentrada en a guerra d'o suyo país. Mientres a suya participación en a guerra recibió cunatos honors, pero en bel meyo d'a Gran Depresión sobrevive fendo vuelos d'exhibición con acrobacias aerias en ferias locals d'os Estaus Unius. Ye casau con LaVerne, qui fa de paracayidista en bellas d'as suyas exhibicions, y tien un fillo, Jack. O suyo mecanico, Jiggs, tamién l'acompanya. Cuan aparixe en escena Burke Devlin, un periodista de Nueva Orleans intresau en as vivencias d'ixe mundo ta fer-ne un articlo ta lo suyo diario, iste siente atracción por LaVerne, en veyer o distanciamiento con que su mariu la tracta a ella y a lo nino, a la vegada que veye que Jiggs tamién ye enamorau d'ella, dica lo punto que li proposó de casar-se con ella cuan Roger no quereba fer-lo. A situación se complica cuan Roger li diz a su muller que marche ta estar con Matt Ord, un empresario propietario d'un avión que él amenista, ta que lo li ceda a cambio d'estar con su muller.
A cinta s'ambienta en os anyos 1930 en Nueva Orleans en Loisiana (Estaus Unius) y las suyas escenas se filmoron en San Diego y en os Universal Studios en Universal City en California. Localizacions de The Tarnished Angels en Internet Movie Database.
Elenco Kramer vs. Kramer en Internet Movie Database. Actor Papel Notas ''''
Se veiga tamién Cine en 1957. Cintas de 1957.
Referencias
Vinclos externos
Categoría:Cintas ambientadas en Nueva Orleans Categoría:Cintas ambientadas en os anyos 1930 Categoría:Cintas con banda sonora orichinal de Frank Skinner Categoría:Cintas con dirección de fotografía d'Irving Glassberg Categoría:Cintas con guión de George Zuckerman Categoría:Cintas con montache de Russell F. Schoengarth Categoría:Cintas de cine de drama Categoría:Cintas de cine de romance Categoría:Cintas d'Estaus Unius Categoría:Cintas dirichidas por Douglas Sirk Categoría:Cintas en anglés Categoría:Cintas en blanco y negro Categoría:Cintas en Cinemascope Categoría:Cintas interpretadas por Alan Reed Categoría:Cintas interpretadas por Alexander Lockwood Categoría:Cintas interpretadas por Chris Olsen Categoría:Cintas interpretadas por Dorothy Malone Categoría:Cintas interpretadas por Jack Carson Categoría:Cintas interpretadas por Robert Middleton Categoría:Cintas interpretadas por Robert Stack Categoría:Cintas interpretadas por Robert J. Wilke Categoría:Cintas interpretadas por Rock Hudson Categoría:Cintas interpretadas por Troy Donahue Categoría:Cintas interpretadas por William Schallert Categoría:Cintas producidas por Albert Zugsmith Categoría:Cintas rodadas en San Diego Categoría:Cintas rodadas en Universal City