Ocho apellidos vascos (títol orichinal en castellano, en aragonés Ueito apellius bascos, estrenada en Aragón con o títol orichinal en castellano) ye una cinta de comedia romantica de cine espanyol de l'anyo 2014 dirichida por Emilio Martínez-Lázaro seguntes un guión orichinal de Borja Cobeaga y Diego San José, con una Banda Sonora Orichinal de Fernando Velázquez y una dirección de fotografía de Gonzalo Fernández Berridi. Producida por Álvaro Augustin, Ghislain Barrois y Gonzalo Salazar-Simpson ta las productoras Lazonafilms, Kowalski Antonio Films y Telecinco Cinema, en l'elenco d'a cinta amanixen, entre d'atros, actors como Clara Lago, Dani Rovira, Carmen Machi u Karra Elejalde.
O títol d'a cinta fa referencia a una escena d'a cinta a on Rafael Quirós "Antxon" diz tener ueito apellius d'orichen basco y cuan li preguntan que cuals en son, improvisa en inventando-se-los rechirando ta trobar personas que conoixca d'orichen basco: Gabilondo (por Iñaki Gabilondo), Urdangarin (por Iñaki Urdangarin), Zubizarreta (por Andoni Zubizarreta) y Argiñano (por Karlos Argiñano), por vía paterna; y Igartiburu (por Ane Igartiburu), Erentxun (por Mikel Erentxun), Otegi (por Arnaldo Otegi) y Clemente (por Javier Clemente), por vía materna, pero sin parar cuenta que l'apelliu Clemente no ye d'orichen basca.
Argumento Amaia Zugasti ye una choven taxista basca que vive en Argoitia (un lugar ficticio d'o País Basco) y ye amán de casar-se con Antxon. Tanimientres, Antxon creva lo compromiso y l'albandona. Las amigas d'Amaia li heban preparau una despedida de soltera en Sevilla y la fuerzan a fer lo viache. Dentran en un bar a on treballa Rafa Quirós, sevillano, socio d'o Real Betis Balompié y costalero d'una d'as confrairías d'a Semana Santa sevillana. Lo treballo de Rafa consiste en fer no nomás de cambrero, so que tamién d'humorista en o escenario y empecipia a contar chistes sobre bascos, y ixo fa que Amaia s'enaltere y Rafa la fa fuera d'o local. Pero una vegada fuera amanixe una atracción entre éls, que remata con Amaia dormindo en casa de Rafa.
De maitín, Amaia torna enta lo País Basco, pero s'ha deixau ixuplidau lo suyo telefono móbil en casa de Rafa y Rafa, d'atra man, s'ha enamorau d'Amaia. Rafa truca enta lo numero de l'aita (pai) d'Amaia sin saber que pai y filla portan anyos sin veyer-se. Encara que los suyos amigos preban de disuadir-lo porque Rafa mai no ha pasau de Despeñaperros enta lo norte, Rafa marcha enta Argoitia con l'enchaquia de tornar-li a Amaia lo suyo telefono, pero muit preocupau en estar él andaluz y saber que en o País Basco no lis cuacan os andaluces. Cuan se troba ya amán d'o suyo destín conoix a Merche, una simpatica muller que li diz que ye extremenya. En plegar en casa d'Amaia, la quimica no funciona entre éls y Amaia lo fa fuera. Desanimau, Rafa marcha por a carrera pero por un malentendiu se troba en a garchola, a on se fa pasar por un independentista basco miembro d'ETA en tener medrana d'os suyos companyers de celda. Fa que truquen por telefono a Amaia, pero Amaia diz que no el conoix.
Alavez plega en Argoitia Koldo, lo pai d'Amaia, como respuesta a la trucada de telefono que creye que li ha feito la suya filla. Cuan charra con Amaia, creye que la voda entre Amaia y Antxon marcha bien y diz que quiere conoixer a Antxon antis d'a ceremonia. Amaia piensa que nomás que Rafa la puet aduyar y en zagueras marcha enta la garchola ta sacar-lo y li proposa de fer-se pasar por Antxon, nomás que ta cenar con Koldo una nueit. En primeras, Rafa no accepta, pero finalment diz que sí, y Amaia transforma a Rafa ta que no sía tan evident que se tracta d'un andaluz. En plegar ta la cena s'escayece la escena a on Koldo pregunta a "Antxon" por os suyos apellius y que, como s'ha dito, da lo suyo nombre a la cinta. Cuan rematan a cena, Koldo quiere levar a "Antxon" a la suya casa y casualment Rafa troba la casa a on i vive Merche. Tot remata con Merche fendo-se pasar por "Ane" (Igartiburu, fan bromas con que se clama Ane Igartiburu), la mai de "Koldo". Ta sorpresa d'Amaia, que no comprende muito, "Ane" y Koldo, que sienten atracción mutua, quedan ta fer un paseyo en o barco de Koldo a lo día siguient, i ixo que Koldo no sabe que "Ane" ye en realidat Merche, y cual ye la suya historia personal... Mica en mica s'embolica la cosa dica que plega lo día en que Amaia ha de casar-se con "Antxon", y ye que Amaia ha escomencipiau a enamorar-se de Rafa...
Elenco Ocho apellidos vascos en Internet Movie Database. Actor Papel Notas Clara Lago Amaia Zugasti Dani Rovira Rafa Quirós Carmen Machi Merche Karra Elejalde Koldo Zugasti Alberto López López Joaquín Alfonso Sánchez Curro Aitor Mazo Mosén Inaxio Abel Mora Pedro Aitziber Garmendia Iratxe Miriam Cabeza Edurne Iñaki Beraetxe Ertzaintza Egoitz Lasa Ertzaintza Lander Otaola Kale borroka Mikel Roman Kale borroka Santi Ugalde Conductor de l'autobús Telmo Esnal Cambrero Itziar Atienza Vendedora Antonio Romero Él mesmo (Los del Río) Rafael Ruiz Él mesmo (Los del Río) Pedro Piqueras Presentador de l'informativo No acreditau
Rodache O rodache d'a cinta s'escayece en a ficticia localidat d'Argoitia, que en realidat se tracta de Zarautz, Getaria y Zumaia en Guipuzcua, y Leitza en Navarra (ta la casa d'Amaia), que son os puestos a on realment se filmoron as escenas. Tamién se filmoron en Sevilla as escenas exteriors d'a ciudat, pero lo bar a on treballa Rafa, Los Muelles, se troba realment en Arrasate.
Premios Premio Calendata Edición Categoría Premiau Notas Premios Goya Ganadors y nominaus d'os Premios Goya 2015 en a pachina web oficial d'os Premios. 2015 29ena edición Goya a la Millor Actriz Segundaria Carmen Machi 2015 29ena edición Goya a lo Millor Actor Segundario Karra Elejalde 2015 29ena edición Goya a lo Millor Actor Revelación Dani Rovira 2015 29ena edición Nominada a lo Goya a la Millor Canción Orichinal No te marches jamás, de Fernando Velázquez, por Leire Martínez y David DeMaría 2015 29ena edición Nominada a lo Goya a la Millor Fotografía Kalo Berridi Medallas CEC 2015 Medalla CEC a lo Millor Actor Segundario Karra Elejalde 2015 Medalla CEC a lo Millor Actor Revelación Dani Rovira 2015 Nominada a la Medalla CEC a la Millor Actriz Segundaria Carmen Machi 2015 Nominaus a la Medalla CEC a lo Millor Guión Orichinal Borja Cobeaga, Diego San José 2015 Nominaus a la Medalla CEC a la Millor Fotografía Kalo Berridi Premios Fotogramas de Plata 2015 65ena edición Fotogramas de Plata d'o Publico a la Millor Cinta Espanyola Ocho apellidos vascos 2015 65ena edición Nominau a lo Fotogramas de Plata a lo Millor Actor Dani Rovira Premios Sant Jordi de Cinematografía "Ocho apellidos vascos" y "El Gran Hotel Budapest", Rosas de Sant Jordi de RNE en a web de RTVE. 2015 59ena edición Rosa de Sant Jordi a la Millor Cinta Espanyola Ocho apellidos vascos Premios Feroz Nominaus a los Premios Feroz 2015 en a pachina web oficial d'os Premios. 2015 2a edición Nominada a lo Feroz a la Millor Comedia Ocho apellidos vascos 2015 2a edición Nominau a lo Feroz a lo Millor Actor Segundario Karra Elejalde 2015 2a edición Nominada a lo Feroz a la Millor Actriz Segundaria Carmen Machi 2015 2a edición Nominada a lo Feroz a lo Millor Tráiler Ocho apellidos vascos
Critica Dende que s'estrenó la cinta nomás que en o suyo primer cabo de semana la veyoron mas de 400.000 espectadors, con un recaudo de 2,72 millons d'euros en taquilla, estando asinas entre os quinze millors estrenos d'a historia d'o cine espanyol y a meyaus d'abril, nomás que un mes dende lo suyo estreno, se convertió en a cinta mas vista d'o cine espanyol con mas de 6,5 millons d'espectadors, y la segunda con mas recaudo en Espanya, con mas de 38 millons d'euros. Como consecuencia d'iste notable exito se rodó posteriorment una continación d'a historia, ambientada ista vegada en Catalunya, con o títol de Ocho apellidos catalanes y en chinero de 2023 s'anunció una nueva entrega inspirada en a serie orichinal, Ocho apellidos marroquíes, ambientada en Marruecos, "Ocho apellidos marroquís", la nueva apuesta de los creadores de "Ocho apellidos vascos", en Libertad Digital. que finalment s'estrenó ixa mesma anyada.
Tanimientres, en a critica especializada no se trobó tanta unanimidat, en haber criticas positivas pero tamién criricas negativas. Asinas, Carlos Marañón en Cinemanía deciba que "tien muitisma gracia". Federico Marín Bellón en Abc la calificaba de "cinta valient y oportuna" y Borja Hermoso en El País mesmo pensaba que podía estar la millor cinta de l'anyo. Borja Hermoso: España/Euskadi: la película. "Ocho apellidos...", filme del momento y ya veremos si del año, confirma la gracia del humor vasco, en El País, 24 de marzo de 2014..
Mikel Zorrilla, en Espinof, comenta que: Mikel Zorrilla: "Ocho apellidos vascos", simpática comedia costumbrista, en Espinof, 13 de marzo de 2014.
En a web Cine y cine comentan que: Ocho apellidos vascos en Cine y cine.
Se veiga tamién Cine en 2014. Cintas de 2014.
Referencias
Vinclos externos Ocho apellidos vascos en Internet Movie Database. / Ocho apellidos vascos en FilmAffinity. Ocho apellidos vascos en AllMovie. Ocho apellidos vascos en Internet Movie Database. Ocho apellidos vascos en Sensacine.
Categoría:Cintas ambientadas en o País Basco Categoría:Cintas ambientadas en os anyos 2010 Categoría:Cintas ambientadas en Sevilla Categoría:Cintas con banda sonora orichinal de Fernando Velázquez Categoría:Cintas con dirección de fotografía de Gonzalo Fernández Berridi Categoría:Cintas con guión de Borja Cobeaga Categoría:Cintas con guión de Diego San José Categoría:Cintas con montache d'Ángel Hernández Zoido Categoría:Cintas d'Espanya Categoría:Cintas de cine de comedia Categoría:Cintas dirichidas por Emilio Martínez-Lázaro Categoría:Cintas en basco Categoría:Cintas en castellano Categoría:Cintas interpretadas por Carmen Machi Categoría:Cintas interpretadas por Clara Lago Categoría:Cintas interpretadas por Dani Rovira Categoría:Cintas interpretadas por Karra Elejalde Categoría:Cintas producidas por Álvaro Augustin Categoría:Cintas producidas por Ghislain Barrois Categoría:Cintas producidas por Gonzalo Salazar-Simpson Categoría:Cintas rodadas en Guipuzcua Categoría:Cintas rodadas en Leitza Categoría:Cintas rodadas en Sevilla