A ilesia de Sant Chaime Apóstol de Granyén (en castellano Iglesia de Santiago de Grañén) ye una ilesia d'a localidat de Granyén, en a comarca de Monegros y provincia de Uesca.
Ye un edificio realizau en estilo gotico tardano que finalizó a suya construcción en l'anyo 1594, seguntes una inscripción realizada a la suya finalización. En a nueva construcción estioron integradas atras construccions medievals preexistents: una ilesia romanica y una torraza defensiva d'o sieglo XV
Estió restaurada en a primera metat d'os anyos 1990 per lo arquitecto Joaquín Naval Mas.
Constituye una verdadera alfaya ta ista localidat monegrina, estando la suya ilesia parroquial adedicata a l'apóstol Sant Chaime, o Mayor. Pende dende lo punto d'anviesta cherarquico de l'arcipestrau de Monegros, diocesi de Uesca y provincia eclesiastica de Zaragoza.
Descripción Ista se devanta chunto a un torretón -que huei fa la función de campanal- y chunto a los repuis d'una antiga fortaleza.ARCO Y GARAY, Ricardo del. Catálogo Monumental de España. Huesca. Madrit: CSIC, 1942. Se tracta d'una ilesia parroquial d'o sieglo XVI con planta de cruz latina y de grans dimensions do s'apachan elementos goticos y renaixentistas. Chunto a la suya frontera, y, en o suyo interior, un retablo mayor renaixentista pintato per Pedro de Aponte y Cristóbal de Cardeñosa. Ficha sobre Granyén en o sitio web turismodearagon.com. Consultato lo 15 d'aviento de 2022. Iste retablo -que ocupa tot l'abside- consta de catorce tablas pintatas y en o suyo cuerpo prencipal se representan escenas d'a Pasión de Cristo; encara que se bi alcuentan tamién tres u cuatre tablas postizas que miran d'imitar a las autenticas. En o basamento se troban tamién sies tablas de fina feitura. A lo canto d'o muro d'o costato de l'Evanchelio, bi ha un retablet de tablas politament pintatas y de feitura italiana d'o sieglo XVII. Entre las choyas que atresora iste edificio, sobreix un reliquiario elaborato en 1668 y donato per Don Nicolás Altabás, archidiacono de Chaca, amás d'a cruz procesional, obra de l'orfebre zaragozano Juan Sánchez, en 1502.
Galería d'imáchens
Vinclos externos Iglesia de Santiago en o sitio web d'o Sistema de Información del Patrimonio Cultural Aragonés.
Referencias
Categoría:Molimentos de Granyén Chaime Chaime Granyen Chaime Chaime Chaime Chaime