Iste articlo ye sobre una cinta de cine estausunidense de l'anyo 1923, ta atros usos se veiga The Eternal City.The Eternal City (títol orichinal en anglés; en aragonés A ciudat eterna) ye una cinta de cine mudo dramatica estausunidense de l'anyo 1923 dirichida por George Fitzmaurice seguntes un guión de Ouida Bergère (basau en a novela The Eternal City de Hall Caine). Producida por Samuel Goldwyn a traviés d'a suya productora Samuel Goldwyn Productions y distribuyita por Associated First National, contó como actors prencipals con Lionel Barrymore, Bert Lytell, Barbara La Marr, Richard Bennett y Montagu Love y con una dirección de fotografía a cargo d'Arthur C. Miller.

Sobre a mesma novela en a que se basa o guión d'a cinta s'heba rodau d'antis mas (1915) una atra cinta d'o mesmo títol, The Eternal City, dirichida por Hugh Ford y Edwin S. Porter.

Reparto Barbara La Marr, en o papel de Donna Roma Valonna. Bert Lytell, en o papel de David Rossi. Lionel Barrymore, en o papel de Barón Bonelli. Richard Bennett, en o papel de Bruno Rocco. Montagu Love, en o papel de Charles Minghelli. William Ricciardi, en o papel d'''accionista. Joan Bennett, en o papel de Page (no acreditada). Betty Bronson, en o papel de Page (no acreditada). Ronald Colman, en o papel d'extra (no acreditau).

En a cinta tamién amanixen en revistando las tropas de l'Exercito italiano: Victor Manuel III, rei d'Italia. Benito Mussolini, alavez dictador faixista d'Italia.

Producción La guionista Ouida Bergère fació a-saber-los de cambios en a novela orichinal The Eternal City de Hall Caine, mas que mas en suprimindo cualsiquier referencia a la relichión en o suyo guión.

O director d'a cinta, George Fitzmaurice, fació plegar una copia d'a cinta en octubre de 1923 a Benito Mussolini, alavez primer ministro d'Italia, qui amaneixeba en a cinta y que heba estau de gran aduya ta la filmación de escenas d'a cinta en molimentos historicos d'a ciudat de Roma y mesmo adchudicando la protección d'o elenco d'a cinta (y amanixendo-ie como extras) a bels batallons de militars de l'Exercito italiano. Asinas, se rodoron escenas en o Coliseu, lo Foro romano, la Vía apia y bellos atros molimentos.

Sinopsi En a ciudat de Roma lo vagabundo Bruno Rocco tiene cura d'un nino uerfano, David Rossi, dica que l'adopta un medico. Dimpués David esdevieén o prometiu de Roma, la filla d'o medico. Cuan muere lo medico, a Bruno y a David los alistan en l'Exercito italiano ta partecipar en a Primera Guerra Mundial.

De mientras, Roma s'ha convertiu en una reconoixida escultora con l'aduya d'o barón Bonelli, qui ye en secreto lo chefe d'o Partiu Comunista en a ciudat. Cuan David retorna en a ciudat en rematar la guerra, convertiu en un fervient partidario de Mussolini, descubre que la suya novia ye la protechida d'o suyo mortal enemigo.

Conservación Ye una cinta perdida parcialment. Nomás se conservan dos d'os uieto rollos d'a cinta orichinal, que trobó en 2006 la historiadora d'o cine Giuliana Muscio en los archivos d'o Museu d'Arte Moderno de Nueva York. Ixas partes recuperadas se presentoron en 2014 en o Festival de Cine Mudo de Pordenone (Pordenone, Venecia Chuliana). Articlo en o diario italiano The Local.

Se veiga tamién Cine en 1923. Cintas de 1923.

Referencias

Vinclos externos

The Eternal City en Internet Movie Database. The Eternal City en AllMovie.

Categoría:Cintas con dirección de fotografía d'Arthur C. Miller Categoría:Cintas con guión d'Ouida Bergère Categoría:Cintas de cine mudo Categoría:Cintas de cine de drama Categoría:Cintas dirichidas por George Fitzmaurice Categoría:Cintas interpretadas por Barbara La Marr Categoría:Cintas interpretadas por Bert Lytell Categoría:Cintas interpretadas por Lionel Barrymore Categoría:Cintas interpretadas por Montagu Love Categoría:Cintas interpretadas por Richard Bennett Categoría:Cintas producidas por Samuel Goldwyn