O glaciar deras Nèus (en occitán glacièr deras Nèus, en francés glacier de las Néous) ye un glaciar d'os Pireneus situau en o macizo de Pico Moros, en a versant norte d'a muga entre Aragón y Francia en o departamento d'os Altos Pireneus y en a rechión d'Occitania.
Ye o glaciar con crepazas mas occidental d'a cordelera.
Toponimia O toponimo deras Nèus significa "d'as nieus" en occitán. O plural as enfatiza a cantidat y, por tanto, a durabilidat.
Cheografía O glaciar se troba en a versant oriental d'o pico Moros, a o largo de l'arista d'o Casterillet. As suyas auguas son a fuent que alimenta a gave d'Arrens.
Historia En rematar a chicota edat de chelo arredol de 1850, o glaciar teneba una largaria de 1.800 metros (estando o tercero mas luengo d'a cordelera). S'estendillaba por una superficie de 0,55 km² y formaba dos frents distintos, d'o que o mas baixo arribaba a o os 2.345 metros d'altaria.
En 1985, o glaciar contaba encara con 0,28 km², reducindo-se a suya superficie a 0,16 km² en l'anyo 2000.
O deschele dividió o glaciar en dos partis: a mas alta situada baixo a cima de pico Moros y a mas baixa situada baixo a breca deras Nèus. A escisión entre as suyas dos zonas se produce definitivament a la fin d'a decada de 1990. Dende alavez, nomás a parti superior amuestra cualques crepazas. A parti inferior, poco visible, se regala lentament baixo os repuis rocosos en o fondón d'a val.
En 2020, o glaciar no mediba mas de 0,04 km², por 300 metros de largaria (parti superior). Con 1,5 km de perdida, o suyo retacule ye un d'os mas importants entre os glaciars pirenencos.
Se veiga tamién Glaciars d'os Pireneus
Vinclos externos Asociación Pirenenca de Glaciolochía Les glaciers pyrénéens. Glacier de Las Néous
Nèus Nèus Categoría:Macizo de Pico Moros Categoría:Parque Nacional d'os Pireneus