thumb|right|250px|Pastor d'o sieglo XIX con gorra llarga roya. A barratina u gorra largaVIOLANT i SIMORRA, Ramon, El Pirineo Español. Ed. Alta Fulla. En ribagorzano y en catalán occidental gorra llarga ye una pieza de vestiu masculina y rustica que s'emplegaba pa cubrir a cabeza, feita en casa por lo regular de lana, que s'emplegaba dica las zaguerías d'o sieglo XIX u escomienzos d'o sieglo XX en buena cosa d'os Pireneus, incluindo as vals mas altas de comarcas aragonesas como a Val de Benás en Ribagorza, an que s'emplegaba pa diario y se reservaba os sombreros pa os días de fiesta.
Anque agora ye a saber-lo relacionada con os vestuaches tipicos de Catalunya (an s'ha popularizau a denominación «barretina»), a gorra larga yera común en un buen numero de vals pirenencas en sieglos pasaus, y puestar que se conoixese mismo en o País Basco, pos seguntes Violant i Simorra en a val d'Ezcua esistiba una variant que en deciban «buru-tapa».
Confección A barratina se feba de lana cardada y tixida en casa y dimpués se tenyiba. En Pallars y Ribagorza en i habeba de dos colors por principal, roya, que se deciba «gorra roya», y morada, que se deciba «gorra musca». Como atros cheneros, a tinción se feba lo mas a sobén en as villas y cabeceras de val, pos yera raro que en as casas se tenese os medios pa tenyir as telas.
Tanto a color como a forma como se levaba gosaban estar sinyals d'identidat de l'individuo. L'uso tamién podeba variar con a posición social u economica, pasando por un rabanyo de puestos que as muscas as levaban os amos, pero tamién os viellos, entre que as gorras royas yeran mas propias d'a chovenalla. En a Ribagorza tamién i habeba chent que la levaba sin tenyir, ixo ye, de color de lana que en deciban burell.
Notas
Referencias
Se veiga tamién Cachirulo. Sombrero de Sastago.
Categoría:Indumentaria masculina Categoría:Prendas d'abrigo Categoría:Tocaus