Sant Alto yera un santero que vivió en a redolada d'Altomünster de l'actual Bavera y se considera o fundador d'o monesterio que leva o suyo nombre.
Tradicionalment s'ha dito que Alto yera un irlandés que dimpués d'una visión recibió l'encargo d'abandonar a suya tierra natal y emprender un viache misionero. D'ista traza, Alto plegó a Bavera, an o rei d'os francos Pepin III le dio una selva cercana, que encara leva o nombre "Altowald" (Selva d'Alto). Dimpués, Alto fundó un chicot monesterio, que a suya ilesia se diz que estió consagrada per Sant Bonifacio.
As leyendas contan cómo Alto emplegó o suyo cuitiello pa marcar os arbols que habioron d'estar picaus y dimpués espaldaus por él mesmos. As aus s'habrían levau as brancas y camals y asinas aduyarían a construyir a ilesia. Cuan i habió escasez d'augua en a construcción d'o monesterio, Alto deixó que brotase un naixedero, que luego estió visitau como un naixedero ensanador.
Manimenos, investigacions recients permiten concluir que Alto yera en realidat un bayoario y perteneixeba a la familia noble d'os Huosi, qui yeran asentaus en o ueste de l'Alta Bavera.
Categoría:Santos benedictinos Categoría:Santos catolicos Categoría:Santos d'Alemanya Sant Alto