Iste articlo tracta sobre rechión alpina d'o Tirol. Ta atros emplegos, se veiga Tirol (desambigación).
O Tirol (en italiano Tirolo) ye una rechión alpina trilingüe (alemán, italiano y ladino) d'Europa, actualment dividida entre Austria (Tirol d'o Norte y de l'Este, en o estau federau de Tirol) y Italia (Tirol d'o Sud y Trentino), que constituyen a Provincia autonoma de Bozen y a Provincia autonoma de Trento.
A rechión constituyó lo condau de Tirol perteneixient a l'Imperio Austrohongaro dica 1918, en que fue dividida entre Austria y Italia por o tractau de Saint-Germain-en-Laye, posteriorment ratificau en l'Alcuerdo De Gasperi-Gruber de 1946.
Actualment a rechión ye reorganizada en a Eurorrechión Tirol–Tirol d'o Sud–Trentino, con una oficina de representación, a dita Tirol-Büro u Ufficio del Tirolo, en Bruselas, con a fin d'amillorar a posición politica d'a rechión en a Unión Europea.
Cheografía O Tirol se troba situau en bel meyo d'os Alpes.
As tucas mas altas d'a rechión son: Ortler (3.905 m) en Italia. Königspitze (3.851 m) en Italia. Großglockner (3.798 m) en Austria. Monte Cevedale (3.769 m) en Italia. Wildspitze (3.768 m) en Austria.
A rechión de Tirol muga a lo norte con Bavera, a l'ueste con Vorarlberg y lo cantón d'os Grisons, a lo sud-ueste con Lombardía, a lo sud y sud-este con o Veneto y a l'este con Salzburgo y Carintia.
Municipios de Tirol con mas de 10.000 habitants Posición Municipio Habitants 1 Innsbruck 130.894 2 Trento 117.285 3 Bozen 105.713 4 Rovereto 38.905 5 Meran 38.863 6 Brixen 21.189 7 Pergine Valsugana 20.950 8 Kufstein 18.726 9 Leifers 17.555 10 Arco 17.199 11 Riva del Garda 16.733 12 Bruneck 15.823 13 Telfs 15.361 14 Eppan 14.619 15 Hall in Tirol 13.693 16 Schwaz 13.444 17 Wörgl 13.311 18 Lienz 12.046 19 Lana 11.530
Se veiga tamién Tirol (estau). Tirol d'o Sud.
Vinclos externos
Categoría:Rechions d'Europa