O pongaurés (en alemán Pongaurisch) ye un subdialecto d'o idioma bavaro charrau en o Estau de Salzburgo, en a rechión conoixida como Pongau (districto de Sankt Johann im Pongau). Ye un dialecto de transición entre o bavaro central y o meridional y por tanto tien elementos d'as dos variedaz. Por eixemplo una caracteristica tipica que prene d'o bavaro meridional ye o cambio d'o soniu ck por ckch u por una ch fuerte, cambio que tamién se produce en o dialecto tirolés. Como tamién se veye en as tierras baixas d'o Tirol y en a rechión de Pinzgau bi ha mas sonius nasals que en atras variedaz. Amás se fa servir muito a rematanza "-ai" en parolas que en atras variedaz rematan en "-l" como en "a Katzai" (un mixín), "a bissai" (un poco), "a Schwaindai" ("un tocín"), etc.
Pongaurés