A pirita ye un mineral con formula FeS2, d'a clase d'os sulfuros que cristaliza en o sistema cubico. A pirita s'espleitaba d'antes pa obtener acido sulfurico pero a desulfuración d'o petrolio pa evitar a contaminación con oxidos de zufre ha feito cayer muito o pre suyo.Francisco Anguita Virella, Fernando Moreno Serrano: Procesos Geológicos Internos. Editorial Rueda. Madrit 1991, pp 203-204.
En o Pireneu a pirita se presenta de diferents trazas: en forma de nodulos, en forma de fanerocristals u en forma de chicotas masas.Josefina Besteiro, Miguel Calvo, Andrés Pocoví, Emilia Sevillano: Minerales de Aragón. Mira Editores S.A, 1988, pp 37-39 Puet trobar-se nodulos en losetas en puestos como o puent de Cuberre a l'este de Sarllé, en a val de Castanesa u en Sallent de Galligo.
En o Sistema Iberico a pirita se puet trobar en a formación arenas d'Utriellas asociada a lo lignito d'unas cuantas formas: fanerocristals, nodulos, masiva, granuda u dica fibrosa-radiada. Tamién bi ha pirita en as menas de fierro de Uellos Negros y ammonites piritizaus en determinaus chacimientos d'Ambel, Ricla y Sant Martín de la Virchen de Moncayo. Cerca de Purroi bi ha una mena abandonada de pirita.
Referencia
Bibliografía Olaf Medenbach, Cornelia Sussieck-Fornefeld: Minerales Guías de la naturaleza Blume. 1990. Josefina Besteiro, Miguel Calvo, Andrés Pocoví, Emilia Sevillano: Minerales de Aragón. Mira Editores S.A, 1988. Francisco Anguita Virella, Fernando Moreno Serrano: Procesos Geológicos Internos. Editorial Rueda. Madrit 1991.
Categoría:Sulfuros (minerals) Categoría:Minerals de fierro Categoría:Minerals cubicos