L'idioma arrumano u macedorrumano ye una luenga d'o conchunto de luengas romances orientals charrata en o sud-este d'Europa por 300.000 personas.
Se pareix a o rumano, pero en cuenta d'influencia eslava tien influencia griega. Pa muitos filologos l'arrumano, o istriorrumano y o meglenorrumano forman con o dacorrumano una luenga sola.
Fonetica Ye, con o ribagorzano, d'os pocos romances que amuestran a evolución inicial d'os grupos CL-, GL- latinos en zonas que los pierden, con palatalización d'a -L-, en una primera fase: cll-, gll-. Heinrich Lausberg: Lingüistica romanica. Tomo I fonetica. Editorial Gredos, 1993. pp 334-335. D'acuerdo con a interpretación de Heinrich Lausberg en o conchunto d'os grupos latinos PL-, BL-, FL-, CL- y GL- os primers en poder palatalizar estioron os dos zaguers por oclusivos y linguodorsals. En dacorrumano os grupos cll- y gll- continoron a suya evolución con perda de l'elemento lateral y palatal /ll/ y esdevinoron /k/ y /g/ respectivament.
Morfolochía Comparte con l'aragonés y as luengas iberorromances que as conchugacions latinas 2º y 3º, as con con e (-ēre a 2º y -ĕre a 3º) se fusionoron pasando os verbos d'a tercera ta la segunda.
Referencias
Vinclos externos Macedon Armans Council Macedon Armans Association from France Consiliul A Tinirlor Armanj, webpage about Youth Aromanians and their projects
Categoría:Luengas romances orientals Categoría:Luengas de Grecia Categoría:Luengas d'Albania Categoría:Luengas de Rumanía Categoría:Luengas de Serbia Categoría:Luengas de Macedonya d'o Norte Categoría:Luengas de Bulgaria