Degaga Wolde, conoixito como Mamo Wolde y naixito de Diri Jille (Etiopia) o 12 de chunio de 1932 y muerto en Addis Abeba o 26 de mayo de 2002, estió un atleta de meya y luenga distancia d'Etiopia.
Partecipó en cuatre Chuegos Olimpicos prencipiando a suya participación en Melbourne 1956 en as prebas d'os 800, 1.500 metros lisos y relevos 4x400, estando eliminato en todas en a primera ronda. Ueito anyadas mas tarde partecipó en Tokio 1964, estando o cuatreno clasificato en a preba de 10.000 m lisos, y en maratón no remató a preba. As suyas millors clasificacions as aconsiguió en a prebas de luenga distancia, fue campión olimpico en os chuegos de Mexico 1968 en a maratón y medalla d'archent en os 10.000 metros lisos; cuatre anyadas mas tarde en Múnich 1972 aconsiguió una medalla de bronce, tamién en a maratón.
En l'anyo 1993 estió acusato y engarcholato por a suya participación en una execución d'o Terror Royo mientres a dictadura de Mengistu Haile Mariam. Amnistía Internacional, dició que no bi heba prebas d'a implicación de Wolde y lo denunció bels vegatas. O Comité Olimpico Internacional tamién fizo bels chestions ta conseguir a suya liberación y finalment fue liberato en l'anyo 2002 poco antis de morir de cáncer.
Vinclos externos Biografía de Mamo Wolde.
Categoría:Atletas d'Etiopia en os Chuegos Olimpicos de 1968 Categoría:Atletas d'Etiopia en os Chuegos Olimpicos de 1972 Categoría:Corredors de fundo d'Etiopia Categoría:Medalla d'archent en os Chuegos Olimpicos Categoría:Medalla de bronce en os Chuegos Olimpicos Categoría:Medalla d'oro en os Chuegos Olimpicos Categoría:Medallistas olimpicos d'Etiopia Categoría:1932 (naixencias) Categoría:2002 (muertes)