Balmonte (Belmonte de Miranda en castellano) ye un concello d'a comunidat autonoma uniprovincial asturiana, situau en la comarca d'Oviedo y partiu chudicial de Grau. La suya capital ye lo lugar de Balmonte, en la parroquia de Balmonte.
A suya población ye de 1.715 habitants (2011) en una superficie de 208,01 km², con una densidat de población de 8,24 hab/km².
Luengas y parlas En Balmonte se charra l'astur-leyonés, en grau abanzau de substitución por part de l'idioma castellano. A parla astur-leyonesa de Balmonte se clasifica en l'astur-leyonés occidental, a on s'incluye l'asturiano occidental.
Toponimia Los toponimos tipo Balmonte, Belmont, Bellmunt, Belmonte son recurrents en toda la peninsula Iberica y se pueden interpretar a partir d'o latín MONS, MONTIS ("mont") y BELLUS ("bonico", "bello"). Manimenos Alvaro Galmés de Fuentes los interpreta a partir d'a radiz celta BEL ("brillant", "claro") y lo chustifica por los terrenos calsinosos que bi ha en este y en atros "Belmonts" Álvaro Galmés de Fuentes: Los topónimos: sus blasones y trofeos (la toponimia mítica), Madrit, Real Academia de la Historia, 2000, p. 89-90..
En a parroquia de Cuevas bi ha microtoponimos interesants como Chanu'l Navachu, ye dicir "plan de lo navallo".
Cheografía Parroquias O concello de Balmonte ye dividiu en 15 parroquias: Augüera. Almurfe. Balmonte. Bixega. Castañéu. Cuevas. Las Estacas. Ḷḷamosu. Lleiguarda. Montoubu. Quintana. Samartín de Llodón. Samartín d'Ondes. San Bartolomé. Vigaña.
Mugas O suyo termin municipal muga a lo norte con Salas, a l'este con Grau, a lo sud con Somiedu y Teberga y a l'ueste con Tinéu.
Demografía
Referencias
Vinclos externos
Pachina web oficial municipal.
Categoría:Localidaz d'Asturias