O níquel (de l'alemán < Nickel) ye un elemento quimico de numero atomico 28 y simbolo Ni situato en o grupo 10 d'a tabla periodica d'os elementos.
Caracteristicas prencipals Ye un metal de transición de color blanca-archent, conductor d'a electricidat y d'a calor, ye dúctil y maleable por lo que se puet laminar, pulir y forchar facilment, y presenta una mica de ferromagnetismo. Se troba en diferents minerals, en meteoritos (en aliación con o fierro) y, en primeras, bi ha níquel en l'interior d'a Tierra.
Ye resistent a la corrosión y se gosa emplegar como recubrimiento, por meyo de electrodeposición. O metal y belunas d'as suyas aliacions, como o metal monel, s'emplegan ta manellar o flúor y bels fluoruros por o feito de que reacciona con dificultat con istos productos.
O suyo estau d'oxidación mas normal ye +2. Puet presentar-ne atros, s'han observato estaus d'oxidación 0, +1 y +3 en complexos, pero no son guaire caracteristicos.
Aplicacions Alto u baixo o 65% d'o níquel consumito se fa servir en a fabricación d'acero inoxidable austenitico y un atro 12% en superaliacions de níquel. A resta, un 23%, se reparte entre atras aliacions, baterías recarregables, catalisi, acunyación de moneda, recubrimientos metalicos y fundición: AlNiCo, aliación ta imants. O mu-metal s'emplega ta apantallar campos magneticos por a suya alta permeabilidat magnetica. As aliacions níquel-arambre (monel) son muit resistents a la corrosión, emplegando-se en motors marins y industria quimica. L'aliación níquel-titanio (nitinol-55) presenta o fenomeno de memoria de forma y s'usa en robotica, tamién bi ha aliacions que presentan superplasticidat. Catalisi d'a hidrochenación de aceites vechetals.
Rol biolochico Muitas hidrochenasas, encara que no todas, contienen níquel, mas que mas en aquellas que tienen a función d'oxidar o hidrocheno. Pareixe que o níquel tien cambios en o suyo estau d'oxidación lo que indicaría que o nuclio de níquel ye a parti activa d'a enzima.
O níquel ye tamién present en a enzima metil como reductasa y en bacterias metanochenicas.
Referencias
Vinclos externos
Enciclopedia Libre - Níquel L'orichen d'o nombre Los Alamos National Laboratory - Níquel webelements.com - Níquel environmentalchemistry.com - Níquel
Categoría:Elementos quimicos Categoría:Metals de transición