Valentín Carderera y Solano, naixiu de Uesca (Plana de Uesca) lo 14 de febrero de 1796 y muerto en Madrit (Espanya) lo 25 de marzo de 1880, estió un pintor, y historiador de l'arte aragonés.
Formau en a Universidat Sertoriana de Uesca, enampló estudios en Zaragoza, Madrit y Roma, aproveitando ta visitar toda la peninsula italica.
Estió tamién comisario d'o Gubierno espanyol pa l'inventario d'os monesterios afectaus por a desamortización de Mendizábal en bellas provincias de l'actual Castiella y Leyón. Intresau por o coleccionismo, as suyas coleccions estioron l'alacet d'un museu que s'heba d'instalar en l'antiga seu d'a Universidat Sertoriana.
Respective d'o suyo treballo artistico, estió mas que mas un retratista (a sobén de personalidaz politicas), adhibindo-ie bellos cuadros de tematica historica. Prenió parte en a Exposición Internacional de París de 1855 y en a Exposición Internacional de Londres de 1862. Antiparte, estió miembro d'a Reyal Academia d'Artes Polidas de Sant Ferrando y d'a Reyal Academia d'a Historia.
Vinclos externos Valentín Carderera y Solano en a pachina web d'a Gran Enciclopedia Aragonesa.
Categoría:Alumnos d'a Universidat Sertoriana de Uesca Categoría:Arqueologos d'Aragón Categoría:Historiadors de l'arte d'Aragón Categoría:Muertos en Madrit Categoría:Naixius de Uesca Categoría:Pintors d'Aragón Categoría:1796 (naixencias) Categoría:1880 (muertes)