Mira Katherine Sorvino, naixida de Tenafly (Nueva Jersey) o 28 de setiembre de 1967, ya una actriz estausunidense, activa en o cine estausunidense dende meyaus d'os anyos 1990 y con cuantos premios recibius mientres a suya carrera cinematografica. Antiparte, ye filla de l'actor Paul Sorvino y chirmana de l'actor y productor Michael Sorvino.
D'entre la suya filmografía, se puet destacar a suya presencia en as cintas Mighty Aphrodite (1995, Woody Allen), Norma Jean & Marilyn (1996, Tim Fywell, a on interpretaba a Marilyn Monroe), Romy and Michele's High School Reunion (1997, David Mirkin), Mimic (1997, Guillermo del Toro), Human Trafficking (2005, Christian Duguay), u Like Dandelion Dust (2009, Jon Gunn).
Premios En 1996, mientres a 68ena edición d'os Premios Oscar, recibió un Premio Oscar a la Millor Actriz Segundaria por a suya interpretación en a cinta Mighty Aphrodite, dirichida por Woody Allen. Por ixa mesma cinta heba recibiu ixe mesmo anyo tamién un Premio Globo d'Oro a la Millor Actriz Segundaria, mientres a 53ena edición d'os Premios Globos d'Oro; y recibió igualment una nominación a lo Premio BAFTA a la Millor Actriz Segundaria ixe mesmo anyo, mientres a 49ena edición d'os Premios BAFTA.
En l'anyo 1997, mientres a 54ena edición d'os Premios Globos d'Oro, fue nominada a lo Premio Globo d'Oro a la Millor Actriz en Miniserie de Televisión u Telefilm por o suyo papel de "Marilyn Monroe" en Norma Jean & Marilyn, un telefilm dirichiu por Tim Fywell.
L'anyo 2006, en a 63ena edición recibió la suya segunda nominación a lo Premio Globo d'Oro a la Millor Actriz en Miniserie de Televisión u Telefilm por o suyo treballo en a miniserie de televisión Human Trafficking, dirichida por Christian Duguay.
Se veiga tamién Cintas interpretadas por Mira Sorvino.
Vinclos externos
Mira Sorvino en Internet Movie Database.
Categoría:Actrices d'Estaus Unius Categoría:Alumnos d'a Universidat Harvard Categoría:Naixius de Tenafly (Nueva Jersey) Categoría:Nominadas a lo Premio BAFTA a la Millor Actriz Segundaria Categoría:Nominadas a lo Premio Globo d'Oro a la Millor Actriz en Miniserie de Televisión u Telefilm Categoría:Premio Globo d'Oro a la Millor Actriz Segundaria Categoría:Premio Oscar a la Millor Actriz Segundaria Categoría:1967 (naixencias)