O monesterio de Sant Cheronimo de Cotalba ye un monesterio valenciano, situato en a localidat d'Alfauir (Safor, País Valenciano), en a provincia de Valencia. Construyito en estilo renaixentista en os sieglos XIV-XVIII, o suyo impulsor estió o duque de Gandía Alifonso IV de Ribagorza en 1388, estando o primer monesterio devantato por a Orden de Sant Cheronimo en territorio d'a Corona d'Aragón. Prencipiato en estilo gotico y rematato en estilo renaixentista, son d'estilo gotico a suya ilesia, a suya torre de l'homenache y a planta baixa d'o suyo claustro, estando en estilo renaixentista a primera planta d'o claustro.
D'o conchunto monastico fan parte un acueducto ta suministrar aigua a los edificios y a os suyos cultivos de regano.
O monesterio continó estando habitato por os monches cheronimos dica la desamortización de Mendizábal en 1835, cuan fue vendito a la familia Trénor, qui contina hue vivindo-ie, encara que a mayor parte d'os suyos edificios son vesitables. Ye protechito legalment con a suya declaración como ''Bien d'Intrés Cultural.
Veyer tamién Familia Borcha
Vinclos externos
Pachina web d'o Monesterio de Sant Cheronimo de Cotalba. Pachina en facebook d'o Monesterio. Videos en youtube sobre o monesterio. Rota d'os monesterios de la Safor: Sant Cheronimo de Cotalba.
Categoría:Safor Categoría:Historia d'o País Valenciano Cheronimo de Cotalba Cheronimo de Cotalba Cheronimo de Cotalba Cheronimo de Cotalba Categoría:Monesterios renaixentistas