Zelanda (Zeeland en neerlandés, literalment "tierra de mar") ye una provincia d'o sud-ueste d'os Países Baixos, a capital de cual ye Middelburg. Ye formata por una unión d'islas y peninsulas asinas como por o Flandres Zelandés un trozo de tierra fixa a o sud que muga con Belchica, en o estuario d'o Escalda. Actualment un conchunto de diques, puents y túnels conectan tot o territorio, fendo-lo menos ubierto a la mar (se veiga por eixemplo: Plan Delta, túnel d'o Escalda Occidental).
Historia Zelanda ye o succesor d'o condau de Zelanda, coincidindo o suyo territorio parcialment con l'antigo condau.
A provincia tien una superficie de 2684 km², d'os cuals un 38% corresponde a augua. En 2004 yera habitata por 379.028 habitants.
A parti meridional d'a provincia ye conoixita con o nombre de Flandres Zelandés (Zeeuws-Vlaanderen).
Nueva Zelanda recibe o suyo nombre en honor d'ista rechión neerlandesa en estar descubierta por parti d'oficials d'a Companyía Neerlandesa d'as Indias Orientals.
Referencias
Se veiga tamién Neeltje Jans
Categoría:Provincias d'os Países Baixos